ऑनलाइन लोकमत
लंडन, दि. 13 - सेक्सच्या बाबतीत पुरुष स्वार्थी असतात असे बहुतांश महिलांचे मत आहे. मनात सेक्सची इच्छा निर्माण झाल्यानंतर शरीससुख मिळवताना पुरुषांमधला स्वार्थीपणा दिसून येतो असे एका अभ्यासातून समोर आले आहे. सेक्स करताना पुरुषाला जे लैंगिक तृप्तीचे समाधान हवे असते तेच सुख आपल्या जोडीदाराला मिळाले पाहिजे याची काळजी पुरुषाने घेतली पाहिजे.
सेक्स करताना पुरुष स्त्रीच्या लैंगिक भावनांचा विचार करत नाही फक्त आपल्यापुरता विचार करतो असे मत बहुतांश स्त्रियांनी एका सर्वेक्षणात नोंदवले आहे. तीन पैकी दोन महिलांनी अशाच पद्धतीचे मत व्यक्त केले. पुरुषांना मात्र हा आरोप मान्य नाही. सेक्स करताना जोडीदाराच्या समाधानाला आपले पहिले प्राधान्य असते असे पुरुषांनी सांगितले.
पुरुष आपल्यापुरता विचार करतो हा चुकीचा समज असल्याचे पुरुषांनी सांगितले. सेक्स करतानाही अनेक पुरुष आपल्यातील पुरुषी अहंकाराची भावना दाखवून देत असल्याचे या सर्वेक्षणातून समोर आले. योग्य माहिती आणि जोडीदारांमध्ये संवाद यातून ही समस्या सुटू शकते असे रिपोर्टमध्ये म्हटले आहे.