इस्लामाबाद. शांतता समीतीच्या बैठकीत बुधवारी झालेल्या आत्मघाती स्फोटात ५ जण ठार, तर ७ जखमी झाले आहेत. अफगाणिस्तानच्या सीमेजवळील पाकिस्तानच्या अस्वस्थ खैबर या आदिवासी जिल्ह्यात हा हल्ला झाला.
दुरवच्या तिराह खो-यातील पीर मेला भागात झलाखेल या आदिवासींच्या शांतता समितीच्या बैठकीवर हा हल्ला झाला. या हल्ल्याची लगेचच कोणीही जबाबदारी घेतली नाही. या भागात लष्कर- ए- इस्लाम हा अतिरेकी गट सक्रिय आहे.. सुरक्षा दलांनी गेल्या काही महिन्यांत तिरहा खो-यातील अतिरेक्यांवर हवाई हल्ला सुरु केला आहे.