ऑनलाइन लोकमत
बांजुल, दि. 17 -पश्चिम आफ्रिका भागातील गांबियाचे देशाचे नवनिर्वाचित राष्ट्रपती आडमा बॅरो यांच्या मुलाचा कुत्रा चावल्याने मृत्यू झाल्याची घटना घडली.
मिळालेल्या माहितीनुसार, नवनिर्वाचित राष्ट्रपती आडमा बॅरो यांचा आठ वर्षीय मुलगा हबीबू याचा एका कुत्र्याने चावा घेतला. यानंतर त्याला रुग्णालयात नेत असतानाच त्याचा मृत्यू झाल्याचे सांगण्यात येत आहे. दरम्यान, सुरक्षतेच्या मुद्दावरुन आडमा बॅरो हे सेनेगल येथे वास्तव्यास आहे. उद्या त्याचा राष्ट्रपदी पदासाठी शपथविधीचा कार्यक्रम आयोजित करण्यात आला आहे. त्यामुळे आडमा बॅरो आपल्या मुलाच्या अंतिम विधीच्या कार्यक्रमात उपस्थित राहू शकले नाहीत.
राष्ट्रपती पदाची निवडणूक गेल्यावर्षीच आडमा बॅरो यांनी जिंकली होती. मात्र, येथील याहया जामेह यांनी पदावरुन पायउतार होण्यास नकार दिला होता. त्यानंतर राष्ट्रपती पदावरुन हटविण्यासाठी लष्कराचा हस्तक्षेप करण्यात येणार होता. यासंदर्भात याहया जामेह यांनी सुप्रीम कोर्टाकडे दाद मागितली, परंतु कोर्टाने ती फेटाळून लावल्याने आडमा बॅरो यांचा शपथविधीचा मार्ग मोकळा झाला.