दक्षिण चीन समुद्रासाठी चीनचा आक्रमक पवित्रा

दक्षिण चीन समुद्रावरून अमेरिकेशी तणाव वाढताच चीनने मंगळवारी आपल्या खुल्या समुद्राच्या संरक्षणासाठी आक्रमक लष्करी धोरण जाहीर केले.

बीजिंग : दक्षिण चीन समुद्रावरून अमेरिकेशी तणाव वाढताच चीनने मंगळवारी आपल्या खुल्या समुद्राच्या संरक्षणासाठी आक्रमक लष्करी धोरण जाहीर केले. त्यानुसार चीनच्या नाविक दलाची शक्ती या समुद्राच्या संरक्षणासाठी वाढणार आहेच शिवाय हिंदी महासागरात भारतीय नौदलाला आव्हानही निर्माण होणार आहे.दक्षिण समुद्रात दोन दीपगृहे उभारण्याची योजनाही चीनने तयार केली आहे. यामुळे सागरी शेजारी व्हिएतनाम, फिलिपाईन्स, मलेशिया, ब्रुनेई यांच्याशी तणाव वाढणार आहे. संपूर्ण दक्षिण चीन समुद्रावर आमचाच हक्क आहे या दाव्याला व्हिएतनाम, ब्रुनेई, फिलिपाईन्स, मलेशिया यांचा अमेरिकेच्या पाठिंब्याने विरोध आहे. जगात चीनकडे सर्वात मोठे म्हणजे २.३ दशलक्ष खडे सैन्य असून संरक्षणावरील खर्च १४५ अब्ज अमेरिकन डॉलर आहे. (वृत्तसंस्था)