पीपल्स् बँकेतर्फे ३२५ जणांना मोफत कोरोना लस

हिंगोली : येथील ओमप्रकाश देवडा पीपल्स को-ऑपरेटिव्ह बँक लि. चे संस्थापक अध्यक्ष स्व. ओमप्रकाश देवडायांच्या सहाव्या पुण्यतिथीनिमित्त आयोजित मोफत कोरोना लसीकरण अभियानात गुरूवारी ३२५ लाभार्थ्यांना कोरोना वॅक्सिनची लस मोफत देण्यात आली. या अभियानाचे शुभारंभ जिल्हाधिकारी रुचेश जयवंशी यांचे हस्ते करण्यात आले. जिल्हाधिकारी यांच्या उपस्थितीत मातोश्री गंगादेवी देवडा निवासी अंध विद्यालय, हिंगोली या शाळेतील अंध शिक्षकांना लस देण्यात आली. याप्रसंगी जिल्हा समाज कल्याण अधिकारी एस. के. मिनगिरे यांची उपस्थिती होती. लसीकरण अभियानाच्या पुर्वी स्व. ओमप्रकाश देवडा यांच्या प्रतिमेस जिल्हाधिकारी रुचेश जयवंशी व जिल्हा समाज कल्याण अधिकारी एस.के. मिनगिरे यांनी माल्याअर्पण करुन आदरांजली वाहली. यावेळी बँकेचे अध्यक्ष सुनिल देवडा, बँकेचे मुख्य कार्यकारी अधिकारी किशोर जोशी, उपसरव्यवस्थापक शशिकांत कंदी व गांधी सेवा ट्रस्टचे अध्यक्ष बद्रीनारायण बगडीया यांनी स्वागत केले. बँकेचे उपाध्यक्ष प्रकाशचंद सोनी, बँकेचे संचालक शशिकांत दोडल, ज्ञानेश्वर मामडे, राजेश अग्रवाल, अशिष काबरा, माधव हॉस्पिटलचे ड्रायरेक्टर डॉ. सचिन बगडिया, डॉ. कंचन बगडिया, डॉ. बनवारीलाल बगडिया, अंध विद्यालयाचे मुख्यध्यापक नंदकिशोर भालेराव,अशिष पिंगळकर उपस्थितीत होते. बँकेतर्फे आयोजित या लसिकरण मोहिमेसाठी २०० लसिकरणाचे लक्ष नियोजित करण्यात आले होते. परंतु नागरिकांचे प्रतिसाद पाहून बँकेने या लसिकरणाचे लक्ष आता ५०० असे केले आहे. गुरूवारी ३२५ नागरिकांना लसिचा फायदा देण्यात आला. उर्वरित लसीचा फायदा नागरिकांना देण्यात येणार आहे असे बँकेचे अध्यक्ष सुनिल देवडा यांनी बोलतांना सांगितले. सहकाररत्न ओमप्रकाश देवडा यांच्या पुण्यतिथीनिमित्त दरवर्षी आरोग्य शिबीराचे आयोजन बँकेतर्फे करण्यात येते. यावर्षी कोरोना महामारीमुळे नागरिकांची लसिकरणासाठी गरज असलेली ही मोहीम बँकेने शहरातील जेष्ठ नागरिकांसाठी राबवलि व नागरीकाकडून या मोहिमेस भरगच्च प्रतिसाद मिळाला. या अभियानास यशस्वी करण्यासाठी सुनिल थोरात, ज्ञानोबा गव्हाणे, मारोती सुर्यवंशी, आखिलेश याज्ञिक, धोंडुअप्पा रणखांब, संदिप सावळे, ऋषिकेश पांचाळ, रामचंद्र श्रीखंडे यांनी परिश्रम घेतले. कार्यक्रमाचे संचालन संजय बोहरा यांनी केले. (वाणिज्य वार्ता)