पाणी भरण्यावरून मारहाण
कळमनुरी : औंढा नागनाथ तालुक्यातील जलालदाभा येथे ११ फेब्रुवारीच्या दुपारी तीन वाजेच्या सुमारास सार्वजनिक बोअरचे पाणी भरण्याच्या कारणावरून एकास मारहाण* झाल्याची घटना घडली. याप्रकरणी तुळसाबाई गारुळे यांच्या फिर्यादीवरून धुरपताबाई बर्गे, गयाबाई माघाडे,, कौसाबाई बंदुके यांच्याविरुद्ध कळमनुरी पोलीस ठाण्यात गुन्हा दाखल झाला आहे. यात फिर्यादीस सार्वजनिक बोअरचे पाणी भरण्याच्या कारणावरून शिवीगाळ करत थापड बुक्क्यांनी मारहाण* केल्याचे फिर्यादीत म्हटले आहे. पुढील तपास सपोउपनी थोरात करीत आहेत
वीज बिल भरणासाठी पैशांची जुळवाजुळव
कळमनुरी: तालुक्यात अनेक गावातील शेतातील वीज पुरवठा खंडित करण्यात आला आहे. ऐन पीक बहरात असताना वीज पुरवठा खंडित करण्यात आल्याने शेतकऱ्यांच्या अडचणी वाढल्या आहेत. आता पीक वाचविण्यासाठी शेतकरी पैशांची जुळवाजुळव करीत असल्याचे दिसून येत आहेत. शेतातील वीज पुरवठा खंडित करण्यासंदर्भात यापूर्वी कोणत्याही सूचना दिल्या नसल्याच्या शेतकरी तक्रारी करीत आहेत. वीज पुरवठा सुरळीत करावा, अशी मागणी होत आहे.
धुळीच्या त्रासाने कर्मचारी वैतागले
हिंगोली: येथील बसस्थानकाच्या नूतन इमारतीचे बांधकाम अंतिम टप्प्यात आले आहे. बांधकाम करण्यासाठी जुने बसस्थानक पाडून तात्पुरता प्रवासी निवारा उभारण्यात आला आहे. मात्र प्रवासी निवारासभोवती डांबरीकरण नसल्याने मोठ्या प्रमाणात धूळ उडत आहे. या धुळीच्या त्रासाने कर्मचारी, प्रवासी वैतागले असून या परीसरात डांबरीकरण करावे, अशी मागणी होत आहे.
मोकाट जनावरांचा त्रास वाढला
हिंगोली: शहरातील प्रमुख रस्त्यावर मोकाट जनावरे ठाण मांडून बसत आहेत. मुख्य रस्त्यावरच जनावरे बसत असल्याने इतर वाहनचालकांना कसरत करावी लागत आहे. अनेकवेळा यामुळे वाहतूक विस्कळीत होत आहे. मोकाट जनावरांना पकडून कोंडवाड्यात कोंडावे, अशी मागणी नागरिकांतून होत आहे.
क
क