जिल्हा रुग्णालयातील लॅबमध्ये २३ कर्मचारी कार्यत असून यात ३ डाॅक्टर, १५ लॅब टेक्नीशीयनचा समावेश आहे. ही लॅब २६ ऑक्टोबर २०२० मध्ये सुरु करण्यात आली आहे. आतापर्यंत आरटीपीसीआर टेस्ट (नमुने) १८ हजार ९९८ घेण्यात आले असून यात ५५८ पाॅझिटिव्ह आलेले आहेत. सद्य:स्थितीत कोरोनाचे कमी रुग्ण आढळून येत असले तरी नागरिकांनी मास्क घालणे सोडून देवून नये. गर्दीच्या ठिकाणी सामाजिक आंतर ठेवावे. कोरडा खोकला, ताप आल्यास आरटीपीसीआर चाचणी करुन घ्यावी, असे आवाहन जिल्हा सामान्य रुग्णालयाच्या वतीने करण्यात आले आहे.
एकाही रिपोटर्टमध्ये क्युरी नाही
जिल्ह्यातील २४ प्राथमिक आरोग्य केंद्र असून इतर आरोग्य संस्था ७ आहेत. जिल्हा रुग्णालयात हिंगोली व अधिनस्त ग्रामीण रुग्णालय, प्रा. आ. केंद्रातून कोरोनाचे नमुने लॅबमध्ये आणली जातात. या लॅबमध्ये नमुन्याची तपासणी योग्यरित्या केली जाते. आजपर्यत तरी एकरी क्युरी आढळून आली नाही. अगदी योग्य प्रकारे कोरोना रुग्णांची तपासणी केली जाते.
लॅबचे पुढे काय?
आजमितीस कोरोना आजाराचे प्रमाण जिल्ह्यात कमी झाले आहे. हा आजार असेपर्यत कोरोना तपासणी होईल. यानंतर सदरील लॅबचा उपयोग इतर आजाराच्या तपासणीकरीता केला जाईल. सध्या तरी जिल्ह्यातून आलेल्या कोरोना रुग्णांची तपासणी केली जात आहे.
-डाॅ. मंगेश टेहरे, अतिरिक्त जिल्हा शल्य चिकित्सक
२ कोटी १२ लाख रुपयांचा निधी
कोरोना आजाराने मार्च महिन्याच्या २३ तारखेपासून डोके वर काढले होते. सुरुवातीचे आठ महिने हिंगोली जिल्ह्यात कोरोना रुग्णांची चाचणी करण्यासाठी लॅब नव्हती. दुसऱ्या जिल्ह्यात चाचणीकरीता नमुने पाठविले जात. कोरोना आजाराचे वाढते प्रमाण लक्षात घेता हिंगोलीकरीता स्वतंत्र एक लॅब मिळाली आहे. रुग्णांच्या तपासणी व इतर बाबीकरीता शासनाने २ कोटी १२ लाखांचा निधी उपलब्ध करुन दिलेला आहे. जेव्हा लॅब सुरु केली आहे तेव्हापासून ती आजपर्यंत बंद पडलेली नसून लॅबची स्वच्छता वेळीच केली जाते.
-डाॅ. राजेंद्र सूर्यवंशी, जिल्हा शल्य चिकित्सक, हिंगोली