शेवाळा : कळमनुरी तालुक्यातील शेवाळा ग्रामपंचायत निवडणुकीने आता जोर धरला आहे. आपल्या ताब्यात असलेली ग्रामपंचायत पुन्हा आपल्याकडे रहावी यासाठी पॅनलप्रमुखांसह उमेदवार प्रचारादरम्यान सर्वसामान्य नागरिकांना हात जाेडतो, पाया पडताे पण एकवेळ मला मतदान करा, असे भावनिक आवाहन करीत आहेेत.
शेवाळा येथे दोन पॅनलमध्ये सरळ लढत होत आहे. तसेच परिसरातील कवडी, देवजना, फुटाणा, चिखली, पिंप्री धांडे गावांत दोन पॅनलमध्ये चुरशीच्या लढतीचे चित्र आहे. त्यामुळे प्रत्येक उमेदवार कामाला लागला आहे. मी हात जोडतो, पाया पडतो पण एकवेळ मला मतदान करा असे म्हणताना दिसून येत आहेत. तसेच मी निवडून आल्यावर तुमचे काम करतो अशी विनवणीही करीत आहेत. तर काही उमेदवार निवडून येण्यासाठी चक्क देवाकडे नवस बोलत आहेत. अनेकांनी भविष्यही पाहिले आहे.
निवडणुकीमुळे रात्री ओल्या पार्ट्या हाेत आहेत. आतापासूनच खर्च सुरू झाल्याने तळीरामाला सुगीचे दिवस आले आहेत. सोशल मीडियावर आपल्या नावाचे बॅनर व व्हिडीओ काढून प्रचार केला जात आहे. तसेच बाहेरगावी गेलेल्यांना बाेलावण्याचे नियाेजन केेलेे जात आहे. दरम्यान, उमेदवार मतदारांना भावनिक आवाहन करीत आहेत.