शहरातील बळसोंड भागातील रामाकृष्णा सीटी प्लॉट नं १९१ मध्ये पळसी ता सेनगाव येथील नारायण उत्तमराव बांगर हे राहतात. २० जानेवारी रोजी ते घरी नव्हते. घरी कोणी नसल्याची संधी साधत चोरट्यांनी घराचा कुलूप कोंडा तोडून घरात प्रवेश केला. तसेच कपाटात ठेवलेले सोन्याचे दागिने व रोख २२ हजार रुपये तसेच विक्रीसाठी ठेवलेले रेडीमेड कपडे असा जवळपास १ लाख १८ हजार रुपयांचा मुद्देमाल लांबविला. त्यानंतर चोरट्यांनी प्रभाकर केशव गुठ्ठे यांच्या घरी चोरी केली. त्यांच्या घरातून दहा हजार रुपये किमतीची तीन ग्रॅम सोन्याची काळ्या मण्याची पोत लाबविली. याप्रकरणी नारायण बांगर यांच्या फिर्यादीवरून हिंगोली ग्रामीण पोलीस ठाण्यात गुन्हा नोंद झाला आहे.
भरधाव कारच्या धडकेत दूधविक्रेत्यांचे नुकसान
हिंगोली : भरधाव कारने दूधविक्रेत्याच्या दुचाकीला धडक दिल्याने पाच ते सहा दूधविक्रेत्यांचे मोठे नुकसान झाले आहे. ही घटना २१ जानेवारी रोजी सकाळी शहरातील गणपती चौक परिसरात घडली. शहरातील गांधी चौक ते गणपती चौक परिसरात दूधविक्रेते बसतात. जवळपासच्या गावातील दूधविक्रेते येत असल्याने या भागात दूधविक्रेत्यांची मोठी गर्दी असते. २१ जानेवारी रोजीही सकाळच्या सुमारास काही दूधविक्रेते दूध विक्रीसाठी दुचाकीसह थांबले होते. याच वेळी एक भरधाव कार आली. वाहनावरील चालकाचे नियंत्रण सुटल्याने कारचा धक्का पाचे ते सहा दूधविक्रेत्याच्या दुचाकीला लागला. यात जीवित्तहानी झाली नसली तरी कॅनमधील दूध रस्त्यावर सांडले होते. याप्रकरणी सायंकाळी उशिरापर्यंत पोलीस ठाण्यात नोंद झाली नव्हती.