सवनातांडा येथे तयार होणाऱ्या हातभट्टीवर कारवाई करावी, अशी मागणी नागरिकांनी केली आहे.
नर्सीतील हातपंप बंद
नर्सी नामदेव: हिंगोली तालुक्यातील नर्सी नामदेव येथील २४ हातपंपापैकी १४ हातपंप दुरुस्त करण्यात आले आहेत. उर्वरित हातपंप अजूनही बंदच आहेत. आजमितीस नागरिकांना पिण्याच्या पाण्यासाठी इतरत्र जावे लागत आहे. ग्रामपंचायत व तालुका प्रशासनाने याची दखल घेऊन बंद असलेले हातपंप दुरुस्त करावेत, अशी मागणी गावकऱ्यांनी केली आहे.
नर्सी-पहेनी रस्ता खड्डेमय
नर्सी नामदेव: हिंगोली तालुक्यातील नर्सी ते पहेनी हा तीन किलोमीटरचा रस्ता मागील दोन वर्षांपासून खड्डेमय झाला आहे. यावरून वाहने चालविणे कठीण झाले आहे. वाहनचालकांनी तक्रार केल्यानंतर रस्त्याची थातूर-मातूर दुरुस्ती केली जाते. नंतर मात्र ‘जैसे थे’ परिस्थिती होते. संबंधित विभागाने याची दखल घ्यावी, अशी मागणी वाहनचालकांनी केली आहे.