तीन प्रकरणे प्रलंबित
लाचलुचपत प्रतिबंधक विभागाच्या वतीने लाचखोरांविरूद्ध कारवाई केली जाते. मागील दोन वर्षात २४ प्रकरणात कारवाई करण्यात आली. यात सबंधित लाचखोराच्या चौकशीसाठी विभागप्रमुखाकडे परवानगी मागितली असता यातील २१ प्रकरणात परवानगी मिळाली. तर २०१९ मधील १ व २०२० मधील २ अशी ३ प्रकरणे प्रलंबित आहेत. चौकशीची परवानगी नाकारलेल्या प्रकरणाची संख्या शून्य आहे.
प्रतिक्रीया
लाचलुचपत प्रतिबंधक विभागाकडे एखाद्याविरूद्ध तक्रार आल्यास सबंधित कर्मचाऱ्याची चौकशी करावयाची असल्यास त्या खात्याच्या प्रमुखाची परवानगी घेतली जाते. त्यानंतर कर्मचाऱ्याची ट्रॅप लाऊन चौकशी केली जाते.
-नितीन देशमुख, उपाधिक्षक, लाचलुचपत प्रतिबंधक विभाग
ग्रामविकास विभाग नंबर वन
लाचलुचपत प्रतिबंधक विभागाच्या वतीने २०१९-२०२० या दोन वर्षात २४ प्रकरणात कारवाई करण्यात आली. यामध्ये ग्रामविकास विभागातील तब्बल ७ लाचखोर सापडले. त्यानंतर महसूल विभागातील ५, गृह २, कृषी २, आरोग्य १, जिल्हा परिषद १, शिक्षण १, वित्त १, तर इतर विभागातील ४ जण लाचलुचपत प्रतिबंधक विभागाच्या जाळ्यात सापडले आहेत.
२०१९-२० या दोन वर्षात चौकशी परवानगी केले अर्ज -२४
परवानगी मिळालेले अर्ज- २१
प्रलंबित प्रकरणे - ३
परवानगी नाकारली - ०