हिंगोली : जिल्ह्यात मंगळवारी नव्याने १४० कोरोनाबाधित रुग्ण आढळले, तर १५५ रुग्ण बरे झाले असून, सातजणांचा मृत्यू झाला आहे.
जिल्ह्यात रॅपिड अँटिजन टेस्टमध्ये २६ रुग्ण आढळले. हिंगोली परिसरात ६४ जणांची तपासणी केली असता यात १२ रुग्ण आढळले. वसमत परिसरात ३८ पैकी २, सेनगाव परिसरात ५२ पैकी ९, औंढा २३ पैकी २, कळमनुरी परिसरात ५० पैकी १ रुग्ण कोरोनाबाधित आढळला. आरटीपीसीआर टेस्टमध्ये ११४ रुग्ण आढळले आहेत. यामध्ये हिंगोली परिसरात २६, औंढा २०, कळमनुरी ३०, वसमत १८, तर सेनगाव परिसरात २० रुग्ण आढळले आहेत.
दरम्यान, ११ मे रोजी १५५ रुग्ण बरे झाल्याने त्यांना घरी सोडले आहे. यामध्ये सामान्य रुग्णालयातील ५९, लिंबाळा कोरोना केअर सेंटर २४, वसमत ११, कळमनुरी ३०, औंढा १०, तर सेनगाव कोरोना केअर सेंटमधील बरे झालेल्या २१ रुग्णांचा समावेश आहे. आजपर्यंत कोरोनाचे १४ हजार ३६८ रुग्ण आढळले असून, त्यापैकी १३ हजार २८१ रुग्ण बरे झाले आहेत. आजघडीला ७९५ रुग्णांवर उपचार सुरू आहेत. ३६० रुग्णांची प्रकृती गंभीर असल्याने त्यांना ऑक्सिजनवर ठेवण्यात आले आहे, तर ३३ रुग्णांची प्रकृती अतिगंभीर असल्याने त्यांना बायपॅप मशीनवर ठेवण्यात आले आहे.
आतापर्यंत २९२ रुग्णांचा मृत्यू
जिल्ह्यात मंगळवारी सात रुग्णांचा मृत्यू झाला आहे. यामध्ये हिंगोली येथील आयसोलेशन वॉर्डात उपचार घेणाऱ्या येडूद येथील ७५ वर्षीय पुरुष, रुपूर येथील ६० वर्षीय पुरुष, मसोड येथील ५० वर्षीय पुरुष, उमरा येथील ६५ वर्षीय पुरुष, पानकनेरगाव येथील ४० वर्षीय पुरुष रुग्णाचा मृत्यू झाला आहे. तसेच कळमनुरी केअर सेंटरमधील तुप्पा येथील ८० वर्षीय महिला, नवीन कोविड हॉस्पिटलमध्ये उपचार घेणाऱ्या हिवराबेल येथील ६५ वर्षीय पुरुष रुग्णाचा समावेश आहे. आतापर्यंत २९२ जणांचा मृत्यू झाला आहे.