देवरी : उमेदच्या माध्यमातून महिलांसाठी अनेक उपक्रम राबविण्यात येतात. ग्रामीण भागात महिला बचत गटाच्या माध्यमातून दिलेल्या अनेक योजनांमुळे अनेक लोकांचे संसार व कुटुंब सुरक्षित झाले आहे. अशाप्रकारे आपण लोकहिताकरिता योजना राबवीत असताना आपल्याला जे मानधन मिळते ते फार कमी आहे. या मानधनात वाढ झाली पाहिजे अशी आपली मागणी आहे. आपल्या या मागणीसंदर्भात मी स्वत: दखल घेऊन वरिष्ठ स्तरावर पाठपुरावा करून उमेदच्या महिला कार्यकर्ता व कर्मचाऱ्यांच्या समस्या मार्गी लावण्यासाठी शर्तीचे प्रयत्न करणार असल्याचे प्रतिपादन आञिाग सहषराम कोरोटे यांनी केले.
तालुक्यातील उमेदच्या महिला कार्यकर्त्यांसाठी रविवारी (दि. ५) आयोजित आरोग्य व कायदेविषयक मार्गदर्शन शिबिरात महिलांना मार्गदर्शन करताना अध्यक्षस्थानावरून ते बोलत होते. प्रास्ताविक मांडून संचालन प्रमोद मोहबंशी यांनी केले. आभार ओमप्रकाश पातोडे यांनी मानले. याप्रसंगी काँग्रेस पक्षाचे तालुकाध्यक्ष संदीप भाटीया, सेवानिवृत्त वैद्यकीय अधिकारी डॉ. ललिता गायकवाड, मुकेश शहारे, तालुका अभियान व्यवस्थापक अतुल मुरकुटे, सामाजिक कार्यकर्ता सीमा कोरोटे, उमेद कार्यकर्ता पंचशिला गांगुर्डे, आशा राऊत, प्रीती उजवणे, प्रदीपकुमार मोहबंशी, ओमप्रकाश पातोडे, गणेश वरखडे, निखिल लांजेवार, योगेश फुंडे, नंदिनी भांडारकर यांच्यासह देवरी तालुक्यातील पाच जिल्हा परिषद क्षेत्रातील उमेदच्या महिला कार्यकर्त्या व कर्मचारी बहुसंख्येने उपस्थित होते.