बाराभाटी :
लगतच्या कुंभीटोला येथील आठवडी बाजार कोरोनाच्या प्रादुर्भावामुळे बंद करण्यात आला होता. त्यामुळे अनेक ग्राहकांना बाजार करण्यासाठी भाजीपाला विकत घेण्यासाठी दूरवर पायपीट करावी लागत आहे. आता कोरोनाचा संसर्ग आटोक्यात आला असून, जिल्हाधिकाऱ्यांनीसुध्दा आठवडी बाजार सुरू करण्याचे निर्देश दिले आहेत. त्यामुळे येथील आठवडी बाजार सुरू करण्याची मागणी या परिसरातील ग्राहकांनी केली आहे.
आठवडी बाजार बंद असल्याने या परिसरातील आजूबाजूच्या गावातील अनेक नागरिकांना भाजीपाला आणण्यासाठी दूर जावे लागत आहे. आठवडी बाजार बंद असल्याने छोट्या व्यावसायिकांना नुकसान सहन करावे लागत आहे. भाजीपाला विक्रेत्यांनासुध्दा याचा फटका सहन करावा लागत आहे. यामुळे अनेकांचा रोजगार बुडत आहे. त्यामुळे आठवडी बाजार सुरू करण्याची मागणी गावकऱ्यांनी केली आहे.
......
अनेक कामे व व्यवसाय सुरू झाले. अनेक ठिकाणचे बाजारही सुरू झाले. त्यामुळे हा बाजार सुरू करावा.
-धम्मदीप मेश्राम,
ग्राहक, बोळदे
...
बाजार सुरू करून आमच्या व्यवसायाला चालना द्यावी, आमचा रोजगार चालावा.
- आर. एस. शेंडे, भाजीपाला विक्रेता, बाराभाटी.