लाभार्थ्यांना योग्य सामाजिक न्याय

सामाजिक न्याय विभागाच्या आणि या विभागाच्या अधिनस्थ असलेल्या विविध महामंडळामार्फत अनेक योजना राबविण्यात येतात.

राजकुमार बडोले : स्वयंसहायता बचत गटांना मिनी ट्रॅक्टरचे वाटपगोंदिया : सामाजिक न्याय विभागाच्या आणि या विभागाच्या अधिनस्थ असलेल्या विविध महामंडळामार्फत अनेक योजना राबविण्यात येतात. या योजना जास्तीत जास्त लाभार्थ्यापर्यंत पोहोचविण्यासाठी आपण प्रयत्नशील असल्याचे प्रतिपादन सामाजिक न्यायमंत्री तथा पालकमंत्री राजकुमार बडोले यांनी केले.सामाजिक न्याय भवनाच्या सभागृहात १० सप्टेंबर रोजी समाजकल्याण कार्यालयाच्या वतीने जिल्ह्यातील अनुसूचित जाती व नवबौध्द घटकांच्या सहा स्वयंसहायता बचतगटांना मिनी ट्रॅक्टर व उपसाधनांचे वाटप पालकमंत्री बडोले यांच्या हस्ते करण्यात आले. यानिमित्ताने आयोजित कार्यक्रमात ते बोलत होते. जिल्हा परिषद अध्यक्ष उषा मेंढे, आ.विजय रहांगडाले, प्रभारी जिल्हाधिकारी मंगेश मोहिते, जि.प.उपाध्यक्ष रचना गहाणे, भाजपा जिल्हाध्यक्ष विनोद अग्रवाल, जि.प.चे माजी कृषी समिती सभापती उमाकांत ढेंगे, महिंद्र ट्रॅक्टर्स कंपनीचे क्षेत्रीय व्यवस्थापक सचिन राजमाने यावेळी प्रमुख उपस्थित होते. डॉॅ.बाबासाहेब आंबेडकर यांच्या १२५ व्या जयंती वर्षानिमित्त १२५ कोटी रुपयांची तरतुद करण्यात आल्याचे सांगून पालकमंत्री बडोले म्हणाले, नागपुर, पुणे आणि नाशिक येथे महिला कर्मचाऱ्यांसाठी निवासी वसतीगृह बांधण्यात येणार आहे. ज्या तालुक्यात वसतीगृह नाही तेथे विद्यार्थ्यांसाठी वसतीगृह बांधण्यात येतील. ७९ प्रकारच्या विविध अभ्यासक्रमांना शिष्यवृत्तीचा लाभ देण्याचा प्रयत्न असून इतर मागासवर्गीय विद्यार्थ्यांसाठी वसतीगृह सुरू करण्याचा विचार असल्याचे बडोले यांनी सांगितले. जि.प.अध्यक्ष मेंढे म्हणाल्या, बचतगटाच्या माध्यमातून महिला सक्षम होताना दिसत आहे. बचत गटाच्या माध्यमातून जो व्यवसाय आपण सुरू करणार आहे तो व्यवसाय आपण चांगला व यशस्वीपणे करणार आहोत अशाच व्यवसायाची निवड बचतगटांनी करावी. घेतलेल्या कर्जाची परतफेड वेळीच करावी. जिल्हा परिषदेच्या विविध योजनांचा लाभ लाभार्थ्यांनी घ्यावा असे आवाहनही त्यांनी याप्रसंगी केले. आ. रहांगडाले म्हणाले, बचतगट हे सक्षमपणे चालले पाहिजे. मिनी ट्रॅक्टरच्या माध्यमातून महिला बचतगट हे सक्षम झाले पाहिजे. सामाजिक न्याय विभागाच्या योजना व विविध महामंडळाच्या योजनांचा लाभ जिल्ह्यातील लाभार्थ्यांनी घ्यावा, असेही रहांगडाले म्हणाले. प्रभारी जिल्हाधिकारी मोहिते यांनी महिलांचे प्रश्न समजून घेणे आवश्यक असल्याचे सांगून त्यांना सक्षम करण्यासाठी योग्य मार्गदर्शन करण्याची आवश्यकता विषद केली.पालकमंत्र्यांच्या हस्ते सावित्रीबाई फुले स्वयंसहायता महिला बचत गट रामपूर (माताटोली) ता.आमगाव, यशोधरा स्वयंसहायता महिला बचतगट तेढवा ता. गोंदिया, रमाबाई आंबेडकर महिला स्वयंसहायता बचत गट कुडवा ता. गोंदिया, सहयोग स्वयंसहायता महिल बचतगट गिधाडी ता.गोरेगाव, उपासना स्वयंसहायता महिला बचतगट चिचगावटोला, ता.गोरेगाव या सहा महिला बचतगटांना मिनी ट्रॅक्टर व उपसाधनाचे वाटप करण्यात आले. प्रास्ताविक समाजकल्याणचे सहायक आयुक्त सुनील जाधव यांनी तर संचालन डी.आर.चव्हाण यांनी केले. यशस्वीतेसाठी वरिष्ठ समाजकल्याण निरीक्षक अंकेश केदार, संगणक आॅपरेटर लक्ष्मण खेडकर, वरिष्ठ लिपीक राजेश खरोले, पराते, जाधव, कळमकर, बावने यांनी परिश्रम घेतले. (जिल्हा प्रतिनिधी)योजनेत फेरबदल करणारपालकमंत्री बडोले म्हणाले, जास्तीत जास्त गरीब शेतकरी व बचतगटांच्या महिलांना सक्षम करण्यासाठी मिनी ट्रॅक्टर योजना महत्वाची आहे. या योजनेत फेरबदल करून जास्तीतजास्त निधीची यासाठी तरतूद करण्यात येईल. जास्तीत जास्त भूमिहिनांना जमीन देण्यासाठी दादासाहेब गायकवाड स्वाभिमान व सबळीकरण योजनेत बदल करण्यात येईल. त्यामुळे जास्तीत जास्त लाभार्थ्यांना या योजनेचा लाभ घेणे शक्य होईल. रिक्त पदांमुळे अडचणीमहामंडळातील अनेक अधिकारी, कर्मचाऱ्यांची पदे रिक्त असल्यामुळे योजना राबविताना अडचणी निर्माण होतात. महामंडळातील रिक्त पदे लवकर भरून ही महामंडळे सक्षम करण्यात येईल. त्यामुळे जास्तीत जास्त लाभार्थ्यांना महामंडळाच्या विविध योजनांचा लाभ देता येईल. आश्रमशाळा व वसतिगृहांसाठी जमीन उपलब्ध झाल्यास त्वरित इमारती बांधण्यात येतील, असेही पालकमंत्री यावेळी म्हणाले.