तिरोडा : येथील उपविभागीय कार्यालयात मागील आठ ते दहा महिन्यांपासून उपविभागीय अधिकारी पद रिक्त होते. ८ फेब्रुवारी रोजी परीवीक्षाधीन उपजिल्हाधिकारी अजयकुमार नाष्टे यांनी पदभार सांभाळला. त्यामुळे आता उपविभागातील रेंगाळेल्या समस्या मार्गी लागणार आहेत.
अजयकुमार नाष्टे हे लातूर जिल्ह्याच्या अकलूज येथील रहिवासी आहेत. ते यापूर्वी गडचिरोली जिल्ह्याच्या एटापल्ली येथे तहसीलदार म्हणून कार्यरत होते. पत्रकार संघाकडून त्यांनी तालुक्यातील विविध समस्या जाणून घेतल्या. सर्व प्रमुख मुद्द्यांवर त्यांनी सविस्तर चर्चा केली. तिरोडा येथे जवळपास सात महिने एसडीओ म्हणून कार्यरत राहतील. त्यानंतर उपजिल्हाधिकारी म्हणून त्यांना पूर्ण नियुक्ती मिळून इतरत्र पाठविण्यात येणार असल्याचे सांगितले. यावेळी पत्रकार संघाच्या सदस्यांनी पुष्पगुच्छ देवून त्यांचे स्वागत केले. यावेळी संघाचे सचिव विजय खोब्रागडे, लक्ष्मीनारायण दुबे, देवानंद शहारे, पंकज देहलीवाल, स्वप्निल शहारे, अजयकुमार नंदागवळी, सचिन ढबाले उपस्थित होते.