पालडोंगरी येथे राष्ट्रीय पोषण महिना साजरा

अध्यक्षस्थानी पालडोंगरी सरपंच चौधरी होते. यावेळी प्रमुख मार्गदर्शक म्हणून जिल्हा कार्यक्रम अधिकारी व बाल विकास प्रकल्प अधिकारी संजय गणवीर तर पाहुणे म्हणून प्रकल्प अधिकारी विनोद चौधरी, स्त्री व बाल रोग तज्ज्ञ डॉ. नीरज गुप्ता, विनोज जाधव, व साजन दादूरिया प्रामुख्याने उपस्थित होते. याप्रसंगी सर्व लाभार्थ्यांना पोषण महिन्याचे महत्त्व पटवून देत सविस्तर मार्गदर्शन करण्यात आले. कार्यक्रमाला पोलीस पाटील, तंटामुक्त समिती अध्यक्ष, सेवा सहकारी संस्थेचे अध्यक्ष, ग्रामपंचायत सदस्य, गट समन्वयक, अंगणवाडी पर्यवेक्षिका, अंगणवाडी सेविका व समस्त गावकरी उपस्थित होते. संचालन अंगणवाडी पर्यवेक्षिका पुष्पा रोही यांनी केले. आभार अंगणवाडी सेविका कटरे यांनी मानले. कार्यक्रमासाठी पालडोंगरी येथील अंगणवाडी सेविका मीनाक्षी पटले, कटरे व मदतनीस पटले यांनी सहकार्य केले.