महालगावात मूर्ती विटंबना

महालगाव येथे डॉ. बाबासाहेब आंबेडकर व भगवान गौतम बुध्द यांच्या मूर्ती समाज मंदिराला लागून स्थापन करण्यात आल्या.

अर्जुनी-मोरगाव : महालगाव येथे डॉ. बाबासाहेब आंबेडकर व भगवान गौतम बुध्द यांच्या मूर्ती समाज मंदिराला लागून स्थापन करण्यात आल्या. यावरून दोन गटात वाद सुरू आहे. बुध्द पौर्णिमेच्या दिवशी एका गटाने कार्यक्रमाचे आयोजन केले. तर दुसऱ्या गटाने कार्यक्रम होऊ दिले नाही. गाव सिमेवर असलेल्या प्रवेशद्वारावरच्या खांबावरून महामानवाचे चित्र काढण्यात आले आहे. २० फुट उंचीवर असलेल्या डॉ. बाबासाहेब आंबेडकराचे चित्र काढलेल्या प्रतिमेवर शेण फेकून अज्ञात इसमाने विटंबना केली. या प्रकरणात मूर्ती विटंबनाचा गुन्हा अर्जुनी-मोरगाव पोलिसांनी दाखल केला आहे. या प्रकरणात दोन्ही गटाविरूध्द गुन्हा दाखल करण्यात आला आहे. एकमेकाला करण्यात आलेल्या मारहाणीत वामन खोब्रागडे, दिलीप रामटेके, शिला खोब्रागडे, शोभा रामटेके, उषा गेडाम, दिनेश मारगाये, योगेश मारगाये, दयावंता मारगाये, वनिता गावड यांना उपचारासाठी ग्रामीण रुग्णालयात नेण्यात आले. या प्रकरणात काही जणांना अटक करण्यात आल्याचे समजते. (तालुका प्रतिनिधी)