गोंदिया : राज्यातील मुंबई, पुणे आणि नागपूर या शहरांमध्ये अज्ञात व्यक्तींकडून वाहने जाळल्याचे प्रकार अलीकडेच घडले आहे. मात्र असाच प्रकार गोंदिया शहरातील श्रीनगर येथे गुरुवारी मध्यरात्रीच्या सुमारास घडला. अज्ञात व्यक्तींनी घरासमोर उभी असलेली चार चाकी वाहने जाळल्याने शहरवासीयांमध्ये भीतीचे वातावरण निर्माण झाले आहे.
प्राप्त माहितीनुसार येथील श्रीनगर परिसरात काही अज्ञातांनी दोन ते तीन चारचाकी गाड्या पेटवल्या आहेत. यामुळे वाहनमालकांचे लाखो रुपयांचे नुकसान झाले आहे. सध्या पोलीस या प्रकरणातील अज्ञात आरोपींचा शोध घेत आहेत. श्रीनगर परिसरात असलेल्या नागरी वस्तीत काही अज्ञात समाजकंटकांनी घराबाहेर पार्क केलेली चारचाकी वाहने जाळल्याने वाहन मालकांचे लाखो रुपयांचे नुकसान झाले. मात्र या घटनेमुळे आता शहरातील वाहनधारकांमध्ये सुद्धा भीतीचे वातावरण निर्माण झाले आहे. तर वाहनांची जाळपोळ करणाऱ्यांना पकडून जेरबंद करण्याचे पोलिसांसमोर आव्हान उभे टाकले आहे. दरम्यान वाहन मालकांनी याप्रकरणाची तक्रार शहर पाेलीस ठाण्यात केली असून याचा तपास सुरु आहे.