गोंदिया : आमगाव तालुक्यातील ग्राम कुंभारटोली येथील जिल्हा परिषद शाळेत चोरी करणाऱ्या चार चोरट्यांना स्थानिक गुन्हे शाखेच्या पथकाने पकडले आहे.
जिल्हयातील मालमत्ता चोरी व घरफोडी करणाऱ्या गुन्हेगारांचा शोध घेण्यासाठी स्थानिक गुन्हे शाखेचे गस्त केली असता २० मे रोजी कुंभारटोली येथील राजकुमार अमयकुमार (३०), सुरेश धनराज राऊत (३१), राजकुमार गोपीचंद मरकाम (२२) व एक अल्पवयीन बालक अशा चौघांना अटक करण्यात आली. अभयकुमार यांच्या कुंभारटोली येथील बंद असलेल्या धिती हॉटेलमध्ये त्याने ते साहित्य ठेवले होते. या एक एलएफडी टिव्ही, लाकडी कॅरेम बोर्ड, संगणक मॉनीटर, सीपीयू, म्युजीक सिस्टम असा एकूण ४८ हजारांचा माल पोलिसांनी जप्त केला आहे. या आरोपींनी ऑक्टोंबर २०२० व मार्च २०२१ मध्ये दोन वेळा रात्री चोरी केली. या घटनेसंदर्भात आमगाव पोलिसात भादंवि कलम ४६१,३८०अन्वये गुन्हा दाखल आहे. ही कारवाई स्थानिक गुन्हे शाखेचे पोलीस उपनिरीक्षक अभयसिंह शिंदे, पोलीस हवालदार राजेश बडे, अर्जुन कावळे, विठठलप्रसाद ठाकरे, चेतन पटले, नेवालाल भेलावे, पंकज खरवडे यांनी केली आहे.