गोंदिया : जिल्ह्यातील कोरोना व शेतीविषयक स्थितीचा आढावा घेण्यासाठी दौऱ्यावर आले असता माजी मुख्यमंत्री व विरोधी पक्षनेते देवेंद्र फडणवीस यांनी येथील केटीएस रूग्णालयात लायन्स क्लबकडून सुरू असलेल्या नि:शुल्क भोजन सेवा केंद्राला भेट दिली.
लायन्स क्लब गोंदिया, लायन्स क्लब गोंदिया सिनियर व लायन्स क्लब गोंदिया मिडटाउनकडून रुग्णालयातील रुग्णांच्या परिजनांसाठी नि:शुल्क भोजनाची सोय करण्यात आली आहे. याबाबत माहिती मिळताच फडणवीस यांनी सेवा केंद्राला भेट दिली. केंद्राचा १०३१ वा दिवस असल्याचे बघून त्यांनी भोजन व्यवस्थाप्रमुख कालुराम अग्रवाल, प्रतीक कदम, सुनीता अग्रवाल, मनोज दुर्गानी, संतोष कायते यांचे कौतुक केले. एवढेच नव्हे तर केंद्राच्या भेटवहीत आपली प्रतिक्रिया नोंदवून स्वाक्षरी केली. याप्रसंगी राज्य महामंत्री चंद्रशेखर बावनकुळे, खासदार सुनील मेंढे, आमदार डॉ. परिणय फुके, दीपक कदम व अन्य उपस्थित होते.