मोदी सरकारने केंद्रात सात वर्षे पूर्ण केली. गेल्या एक वर्षापासून देशात कोरोनाचा संसर्ग सुरू आहे. या कठीण काळात अनेकांनी आपले जीव धोक्यात घालून मानव धर्माचा परिचय दिला. रुग्णसेवा करून अनेकांचे जीव वाचविले. प्रशासनातील नोकरदारांनी उत्कृष्ट सेवा बजावली. अशा कोरोना योद्ध्यांचा सत्कार करण्याचा निश्चय भाजपने केला. तालुक्यातील डॉक्टर, आशा सेविका, अंगणवाडी सेविका,आरोग्य कर्मचारी व विविध घटकातील सेवकांचा यावेळी सत्कार करण्यात आला.
तालुका भाजप अध्यक्ष अरविंद शिवणकर, डॉ. गजानन डोंगरवार, लायकराम भेंडारकर व भाजपच्या स्थानिक कार्यकर्त्यांनी त्यांच्या परिसरात विविध ठिकाणी जाऊन कोरोना योद्ध्यांचा सत्कार केला. सोमवारी स्थानिक भाजप कार्यालय व त्रिमूर्ती पेट्रोलपंपावर मास्कचे वितरण करण्यात आले.
कोरोना लसीसंदर्भात अनेकांच्या मनात भीती आहे. त्यामुळे अनेक लोक लस घेण्यासाठी मागे-पुढे पाहात आहेत. अशा लोकांचा गैरसमज दूर करण्यासाठी लोकांच्या मनातील गैरसमज व त्यातील सत्य याबाबत जनजागृती करणारे पत्रक वाटप केले जात आहे.