कार्यशाळेला संवर्ग विकास अधिकारी मुकेश माहोर मुक्तिपथ अभियानाचे उपसंचालक संतोष सावळकर उपस्थित हाेते.
कार्यशाळेत दारूबंदी कायदा, तंबाखूबंदी कायद्यासंदर्भात विस्तृत माहिती देण्यात आली, तसेच गावात उद्भवणाऱ्या समस्यांवर विचारमंथन करण्यात आले. ग्रामपंचायत दारू व तंबाखूमुक्त राहणे का आवश्यक आहे. निवडणुकीपूर्वी निवडून येणाऱ्या उमेदवारांनी दारू व तंबाखूमुक्त गावाचे वचन दिले होते. त्याची वचनपूर्ती करणे. कोरोना काळात खर्रा व तंबाखूजन्य पदार्थांचे सेवन करून थुंकल्यामुळे विषाणूचे संक्रमण वाढण्याची शक्यता आहे. यासाठी गावातून तंबाखू हद्दपार करण्यासाठी प्रयत्न करणे. ग्रामपंचायतअंतर्गत येणाऱ्या गावात अवैध दारूविक्री सुरू असल्यास त्यांना नोटीसच्या माध्यमातून दारूविक्री बंद करण्याचे आवाहन करणे. दारूबंदी असून तंबाखूविक्री सुरू असल्यास तंबाखूजन्य पदार्थांची विक्री बंद करणे. गावातील अवैध दारू व तंबाखूविक्री बंद झाल्यास गावाचा विकास होणार याबाबत उपस्थित ग्रामपंचायत सरपंच, उपसरपंच व सदस्यांना मार्गदर्शन करण्यात आले. प्रशिक्षणात गोगाव, खरपुंडी, जेप्रा, राजगटा चक, आंबेशिवणी, सावरगाव, मेंढा, बोदली, हिरापूर, विहीरगाव, वाकडी, पुलखल, इंदाळा आदी १३ ग्रामपंचायतींमधील २९ पदाधिकारी सहभागी झाले होते. कार्यशाळेच्या यशस्वीतेसाठी तालुका संघटक अमोल वाकुडकर व उपसंघटक रेवनाथ मेश्राम यांनी सहकार्य केले.
100721\10gad_1_10072021_30.jpg
मार्गदर्शन करताना संवर्ग विकास अधिकारी मुकेश माहाेर.