कबड्डीमध्ये तळेगाव तर व्हाॅलीबाल स्पर्धेत कढोलीचा संघ अव्वल

या स्पर्धेचे उद्‌घाटन राज्य राखीव पोलीस दलाचे पोलीस निरीक्षक वाघमारे यांचा हस्ते करण्यात आले. याप्रसंगी ठाणेदार सुधाकर देडे, सहायक पोलीस निरीक्षक समीर केदार, पोलीस उपनिरीक्षक शीतल माने, पोलीस उपनिरीक्षक कुलदीप सोनटक्के उपस्थित होते. कबड्डीमध्ये विजेता ठरलेल्या प्रेड अकॅडमी कबड्डी संघ तळेगाव याना ३ हजार, उपविजेतेपद पटकाविलेल्या प्रेम दिवाने कबड्डी संघ येरंडी यांना २ हजार तर तृतीय क्रमांक पटकाविलेल्या के. के. कबड्डी संघ तळेगाव यांना १ हजार रोख पुरस्कार प्रदान करण्यात आला. व्हाॅलिबाॅलमध्ये विजेता ठरलेला हिंदवी स्वराज्य संघ कढोली ३ हजार, उपविजेता राणाप्रताप वाॅर्ड संघ २ हजार तर तृतीय स्थान प्राप्त केलेल्या जयसेवा संघ डोंगरगांव यांना १ हजार रुपये रोख पुरस्कार प्रदान करण्यात आला. स्पर्धेत पोलीस स्टेशन अंतर्गत येणारे व्हाॅलिबाॅलचे २४ तर कबड्डी स्पर्धेमध्ये २१ संघ सहभागी झाले होते. यशस्वितेसाठी कूरखेडा पोलीस स्टेशन कर्मचारी, राज्य राखीव पोलीस बल तसेच येथील वैद्यकीय चमूने सहकार्य केले. दोन्ही क्रीडा प्रकारात अजिंक्य ठरलेले संघ उपविभागीय पोलीस अधिकारी कार्यालय स्तरावरील स्पर्धेकरीता पात्र ठरलेले आहेत.