गरिबांच्या पाेटाची आग शिवभाेजन विझवीत आहे.

आ. धर्मरावबाबा आत्राम यांनी अहेरीच्या शिवभोजन केंद्राला शुक्रवारी भेट देऊन शिवभोजन व्यवस्थेची पाहणी केली व शिवभोजन केंद्राच्या संचालिका तथा स्वयंसेवी संस्थेच्या अरुणा गेडाम व अन्य पदाधिकाऱ्यांशी चर्चा केली. पोटाची खळगी भरण्यासाठी गरीब कुटुंबीय अहोरात्र मेहनत घेतात; पण कोरोनाच्या संकटकाळात लॉकडाऊन व संचारबंदी असल्याने हाताला काम नाही, तर पोटाला अन्नही नाही अशी विदारक आहे. विपरीत स्थितीसाठी शिवभोजनच नवसंजीवनी ठरत आहे. महाविकास आघाडी सरकारने लॉकडाऊन दरम्यान शिवभोजन मोफत व मुख्यतः थाळी व वेळ वाढवून दिल्याबद्दल धर्मरावबाबा आत्राम यांनी राज्य शासनाचे आभारही मानले. शिवभोजन केंद्रात भेटीप्रसंगी राष्ट्रवादी महिला काँग्रेसच्या जिल्हा कार्याध्यक्ष शाहीन हकीम, तालुकाध्यक्ष श्रीनिवास वीरगोनवार, बबलू हकीम, सुरेंद्र अलोने उपस्थित होते.