स्वातंत्र्यलढ्यात महिलांची कामगिरी अतुलनीय

देसाईगंज येथील आदर्श कला व वाणिज्य महाविद्यालयात भारतीय स्वातंत्र्याच्या अमृतमहोत्सवी वर्षाचे औचित्य साधून महाविद्यालयातील राष्ट्रीय सेवा योजना व महिला सबलीकरण विभागाच्या संयुक्त विद्यमाने आयोजित भारताच्या स्वातंत्र्य चळवळीत स्त्रियांची भूमिका या विषयावर आभासी पद्धतीने आयोजित राष्ट्रीय वेबिनारमध्ये मुख्य मार्गदर्शक म्हणून ते बोलत होते. कार्यक्रमाच्या अध्यक्षस्थानी महाविद्यालयाचे प्राचार्य डॉ. शंकर कुकरेजा हाेते. डाॅ. कुकरेजा यांनी भारतीय स्वातंत्र्याची अमृतमहोत्सवी वाटचाल ही सर्व देशभक्त भारतीयांसाठी अभिमानाची गोष्ट असून, राष्ट्रभक्ती जागृत करण्यासाठी व राष्ट्र सेवेला प्रवृत्त करण्यासाठी महाविद्यालय नेहमीच अग्रणी राहिलेले आहे व पुढेही राहील, अशी ग्वाही दिली. रासेयो कार्यक्रमाधिकारी प्रा. निहार बोदेले यांनी प्रास्ताविकेतून वेबिनार आयोजनाचा उद्देश सांगितला. प्रा. डॉ. श्रीराम गहाणे यांनी सूत्रसंचालन केले. आभार सहकार्यक्रम अधिकारी प्रा. निलेश हलामी यांनी मानले. वेबिनारमध्ये विविध विद्यापीठांतील प्राध्यापक ऑनलाइन सहभागी झाले होते.