यावेळी एटापल्ली तालुका राष्ट्रवादी महिला काँग्रेसच्या अध्यक्षपदी ललिता मडावी, तर शहराध्यक्षपदी पौर्णिमा श्रीरामवार यांची सर्वानुमते व एकमताने निवड करण्यात आली. तसेच तालुका उपाध्यक्ष तथा जारावंडी जिल्हा परिषद क्षेत्र प्रमुखपदी सपना कोडापे यांची निवड करण्यात आली. यावेळी शाहीन हकीम यांनी नवनियुक्त अध्यक्षांना नियुक्तिपत्र व पुष्पगुच्छ देऊन व गळ्यात पक्षाचा दुप्पटा टाकून स्वागत केले. राष्ट्रवादी काँग्रेस पक्ष प्रामुख्याने महिलांच्या उन्नतीसाठी कटिबद्ध असल्याचा पक्ष असून, पक्षाचे विचार प्रत्येक घराघरांत व तळागाळात पोहोचणे आवश्यक आहे. आपल्या भागाच्या सर्वांगीण विकासासाठी संघटन मजबूत करून आपल्या व पक्षाच्या हितासाठी जोमाने कामाला लागा, असे आवाहन शाहीन हकीम यांनी केले.
प्रास्ताविक सपना कोडापे यांनी तर संचालन श्रीकांत कोकुलवार व सुरेंद्र अलोने यांनी केले. आभार निर्मला गावडे यांनी मानले. यावेळी युवती व महिला उपस्थित होते.
100721\0122img-20210709-wa0003.jpg
फोटो :- महीला राकाॅ मेळावा