शाहु महाराज वाचनालयाला आर्थिक मदत

शिवजयंतीच्या उत्सवाप्रसंगी छत्रपती शिवाजी महाराज यांच्या प्रतिमेला अभिवादन करण्यात आले. शिवसेना तालुका प्रमुख डॉ. श्रीकांत बनसोड यांनी स्थानिक राजर्षी छत्रपती शाहू महाराज सार्वजनिक वाचनालयाला भेट दिली. विविध स्पर्धा परीक्षेची तयारी करणाऱ्या विद्यार्थी युवकांसाेबत हिजगूज केले व त्यांच्या समस्या समजून घेतल्या. विद्यार्थ्यांनी पुस्तकांची कमतरता व नवीन पुस्तकांची अभ्यासासाठी आवश्यकता असल्याचे सांगितले. पुस्तकांच्या खरेदीकरून पूर्तता करण्यासाठी पाच हजार रुपये तत्काळ स्वतः दिले. राेकड विद्यार्थी मंडळाला सुपूर्द केली. याप्रसंगी कार्यकारी तालुका प्रमुख विलास ठाकरे, पोटगाव ग्रामपंचायतीचे नवनियुक्त सरपंच विजय दडमल, उपसरपंच पंकज वंजारी, पोलीस पाटील दोनाडकर, शिवसेना शाखा प्रमुख महेंद्र मेश्राम, सांस्कृतिक तालुका प्रमुख सुरेन्द्र दोनाडकर व गावकरी व शिवसैनिक उपस्थित होते.