चर्चेदरम्यान सातव्या वेतन आयोगानुसार, सुधारित निवृत्तीवेतन लागू करून थकबाकी काढण्यात यावी. उपदान व अंशराशी करण राशी अदा करणे, पी. पी. ओ. पुस्तिका अद्ययावत करणे,अतिप्रदान वसुली थांबवून वसुली केलेली रक्कम परत करण्यात यावी, मृत्यू पावलेल्या सेवानिवृत्त शिक्षकांच्या पाल्याना लाभ देण्यात यावा, ८० वर्ष ओलांडलेल्या शिक्षकांच्या निवृत्ती वेतनात वाढ करण्यात यावी, गटविमा व भविष्य निर्वाह निधी अदा करण्यात यावा आदी विविध मागण्यांवर व प्रलंबित समस्या व प्रश्नावर चर्चा करण्यात आली. सदर प्रलंबित प्रश्न निकाली काढण्याचे आश्वासन संवर्ग विकास अधिकारी यांनी चेतन हिवंज शिष्टमंडळाला दिले.
यावेळी सहायक प्रशासन अधिकारी संतोष मसराम, सेवानिवृत्त प्राथमिक शिक्षक संघटनेचे अध्यक्ष वसंत राऊत, आनंदराव बावणे, श्रावण रंधये, रघुनाथ राऊत, विजय सहारे, सिंधू उघाडे, चांगले, रासेकर आदी उपस्थित होते.