नगराध्यक्षांचे प्रतिपादन : युवकांना रोजगाराचे प्रशिक्षण गडचिरोली : स्पर्धेच्या युगात शासकीय नोकरी लागेलच यावर विसंबून न राहता स्वयंरोजगाराच्या माध्यमातून स्वत:चा विकास साधावा, असे आवाहन नगराध्यक्ष योगीता पिपरे यांनी केले. स्टार स्वयंरोजगार प्रशिक्षण संस्था गडचिरोलीच्या वतीने प्रधानमंत्री रोजगार कार्यक्रमांतर्गत १० दिवसांचे प्रशिक्षण युवकांना देण्यात आले. या प्रशिक्षणाचा समारोप करण्यात आला. समारोपीय कार्यक्रमाप्रसंगी नगराध्यक्ष योगीता पिपरे बोलत होत्या. कार्यक्रमाला नगरसेवक प्रमोद पिपरे, जिल्हा अग्रणी बँकेचे प्रबंधक आर. एस. खांडेकर, संचालक एस. पी. टेकाम, नगरसेवक प्रमोद पिपरे, कार्यक्रम समन्वयक काटकर, हेमंत मेश्राम आदी मान्यवर उपस्थित होते. या प्रशिक्षणाचा लाभ चंद्रपूर जिल्ह्यातील प्रशिक्षणार्थ्यांनीही घेतला होता. याच कार्यक्रमादरम्यान मान्यवरांच्या हस्ते प्रशिक्षणार्थ्यांना प्रमाणपत्रांचे वाटप करण्यात आले. यशस्वीतेसाठी विजय पत्रे, सुनिल पुनमवार, प्रज्ञा शेंडे यांनी सहकार्य केले. (नगर प्रतिनिधी)
स्वयंरोजगारातून विकास साधा
By admin | Updated: April 22, 2017 01:30 IST