पावसाळ्याच्या दिवसांमध्ये विविध आजारांचे प्रमाण वाढत असते. विविध रोगांना कारणीभूत ठरणारे जीवजंतू वाढतात. त्यामुळे संसर्गाचे प्रमाणसुद्धा वाढते. विशेष करून या दिवसांमध्ये सूर्यप्रकाश कमी असतो. त्यामुळे वातावरणात सारखा बदल झालेला दिसतो. या काळात सर्दी-खोकल्याचे रुग्ण वाढतात. काहींना दम्याचा त्रास असल्यास त्यांना तो त्रास वाढत असताे. लहान मुलांमध्येदेखील आजाराचे प्रमाण वाढते. त्यामुळे ज्यांना दम्याचा त्रास आहे, त्यांनी वेळीच काळजी घेणे गरजेचे असते. खास करून राेग प्रतिकारक शक्ती वाढविण्यावर भर दिला पाहिजे. दमा आजार असलेल्या रुग्णांनी नियमित औषधोपचार घेतल्यास या आजारापासून काही प्रमाणात सुटका मिळू शकते.
बॉक्स
अशी घ्या काळजी
दमा असलेल्या रुग्णांनी थंड वातावरणात जाऊ नये, आंबट पदार्थ टाळावेत. डॉक्टरांनी दिलेले औषध नियमित घ्यावे, तसेच सोबत बाळगावे. ज्यांना पंप किंवा नेब्युलायजर देण्यात आले आहे, त्यांनी ते जवळ बाळगावे. संसर्ग होणार नाही, यासाठी विशेष काळजी घ्यावी. रोग प्रतिकारक शक्ती वाढविण्यासाठी हमखास प्रयत्न करावे.
बॉक्स
बालकांनाही हाेताे अस्थमा
बालकांना सर्दी-खोकला होतो. मग दम लागतो. अशा स्थितीत थंड वातावरण, पावसात भिजणे, थंड पदार्थ टाळणे तसेच उग्र वासापासून मुलांना दूर ठेवावे. त्रास जाणवत असला तर बालक अस्वस्थ असतात. अशावेळी त्याच्याकडे विशेष लक्ष देऊन वेळीच डॉक्टरांचा सल्ला घ्यावा. या दिवसांमध्ये बालकांकडे अधिक लक्ष देऊन त्यांना अस्थमा होणार नाही, याची खबरदारी घ्यावी.
बॉक्स
प्रतिकारशक्ती कमी
रोग प्रतिकारक शक्ती कमी असलेल्या नागरिकांना अस्थमा तसेच इतर आजारांची बाधा लवकर होते. आपण वारंवार आजारी पडत असाल तर आपली रोग प्रतिकारक शक्ती कमी आहे, हे जाणून डॉक्टरांचा सल्ला घ्यावा. वारंवार सर्दी किंवा थंडी वाटत असेल तर कमी प्रतिकारक शक्तीचे लक्षण असू शकतात. त्यामुळे निरोगी राहण्यासाठी पौष्टिक पदार्थ खाण्याकडे अधिक लक्ष देणे गरजेचे आहे.
कोट
वातावरणातील बदलामुळे पावसाळ्याच्या दिवसांमध्ये अस्थमा रुग्णांची संख्या वाढत असते. ज्यांना या आजाराचा त्रास आहे, त्यांनी वेळीच डॉक्टरांच्या सल्ल्यानुसार औषधोपचार करावा. थंड व आंबट पदार्थ खाणे कटाक्षाने टाळले पाहिजे. दम्याच्या रुग्णांनी आपली औषधी नेहमी सोबत ठेवावी. - डाॅ. प्रशांत कारेकर, हृदयराेग तज्ज्ञ, गडचिराेली.