मृत कृष्णा लोहंबरे हा गावातील गुरेढोरे चराईचे काम करत होता. बुधवारी सकाळी तो नेहमीप्रमाणे गुरे घेऊन चराईकरिता गावाशेजारील जंगलात गेला होता. सायंकाळी सर्व गुरे परत आली, मात्र कृष्णा परत न आल्याने कुटुंबीयांनी त्याचा शोध सुरू केला. गुरुवारी सकाळी गावापासून पाच किलोमीटर अंतरावर जंगलात त्याचा मृतदेह आढळून आला. तेथील परिस्थिवरून विषारी सापाने दंश केला असण्याची शक्यता वर्तविण्यात आली.
माहिती मिळताच पोलीस व वनविभागाच्या कर्मचाऱ्यांनी घटनास्थळ गाठत पंचनामा केला आणि मृतदेह उत्तरीय तपासणीकरीता उपजिल्हा रुग्णालय कुरखेडा येथे पाठविला. मृताच्या मागे पत्नी, दोन मुले, आई-वडील, भाऊ व मोठा आप्तपरिवार आहे.
230921\img-20210923-wa0069.jpg
मृतक क्रीष्णा लोहबंरे सर्पदंश