राजू जागेश्वर दोंडुकवार, वय ४५ वर्षे, रा. गडचिरोली असे सायकल चाेराचे नाव आहे. गडचिराेली येथील शीतल सुभाष बनकर (३२) या ०७ जुलै रोजी सकाळी ०६.०० वाजता भरडकर यांच्या बिल्डिंगसमोर सायकल ठेवून योगा क्लासला गेल्या हाेत्या. आरोपीने बनकर यांची सायकल चोरून नेली. याबाबतची तक्रार बनकर यांनी गडचिराेली पाेलीस स्टेशनमध्ये दाखल केली. सीसीटीव्ही फुटेजवरून पाेलिसांनी आरोपीचा शोध घेतला व अटक केली. पाेलिसांनी पाेलिसी खाक्या दाखविताच आराेपीने आणखी २० सायकली चाेरल्या असून, त्या चांदाळा येथे ठेवल्याची माहिती दिली. या सर्व सायकली ताब्यात घेण्यात आल्या आहेत. गडचिरोली परिसरातील ज्या लोकांच्या सायकली चोरीस गेल्या असतील त्यांनी सायकलचे पुरावे किंवा बिल आणावे. याबाबत तपासी अंमलदार गजानन सहारे यांच्याशी संपर्क साधावा, असे आवाहन ठाणेदार प्रमाेद बानबले यांनी केले आहे.
अबब...! एकाच चाेरट्याने चाेरल्या २० सायकली
By लोकमत न्यूज नेटवर्क | Updated: July 28, 2021 04:38 IST