४ लाख २० हजारांचा मुद्देमाल जप्त

लाखांदूर येथून विना क्रमांकाच्या चारचाकी वाहनाने देसाईगंजकडे दारूची वाहतूक होत असल्याची माहिती देसाईगंज पोलिसांना मिळताच...

देसाईगंज पोलिसांची कारवाई : चारचाकी वाहन पकडलेदेसाईगंज : लाखांदूर येथून विना क्रमांकाच्या चारचाकी वाहनाने देसाईगंजकडे दारूची वाहतूक होत असल्याची माहिती देसाईगंज पोलिसांना मिळताच पोलीस निरीक्षक रवींद्र पाटील यांच्या नेतृत्वात सापळा रचण्यात आला. शुक्रवारी दुपारी २ वाजता आमगावजवळ सदर कारवाई करण्यात आली. लाखांदूर येथून चारचाकी वाहनाने दारू आणण्यात येत असल्याची माहिती मिळाल्यावर देसाईगंज-लाखांदूर मार्गावर आमगावजवळ देसाईगंज पोलिसांनी सापळा रचला. त्यावेळी मारूती सुझुकी रिट्झ कंपनीच्या कारमधून रॉकेट संत्रा कंपनीच्या ९० एमएलच्या १०० निपा देशी दारूचे १ लाख २० हजार रूपये किंमतीचे ३० बॉक्स व ३ लाख रूपयांचे चारचाकी वाहन असा ४ लाख २० हजारांचा माल जप्त करण्यात आला. याप्रकरणी प्रशांत अजय्या येडावार (३२) व गोविंदा माधव कुमोटी (२०) रा. दोघेही रांगी ता. धानोरा यांना अटक करण्यात आली. सदर कारवाई महेश मांडवे, सोनेकर, मडकाम, पत्रे, सहारे, मिर्झा, खरकाटे, भोयर, सचिन अतकरे यांनी पार पाडली. (वार्ताहर)