काेविड केअर सेंटरच्या उद्घाटनप्रसंगी उपविभागीय अधिकारी विशाल मेश्राम, भाजप जिल्हाध्यक्ष किशन नागदेवे, नगराध्यक्ष शालू दंडवते, उपाध्यक्ष मोतिलाल कुकरेजा, तहसीलदार संतोष महले, प्रभारी गट विकास अधिकारी निर्मला कुचिक, मुख्याधिकारी डाॅ. कुलभूषण रामटेके, तालुका वैद्यकीय अधिकारी डाॅ. अभिषेक कुभरे, ग्रामीण रुग्णालयाचे वैद्यकीय अधीक्षक डाॅ. अविनाश मिसार, संतोष श्यामदासानी, लक्ष्मण रामाणी आदी उपस्थित होते. २८ एप्रिलपासून काेविड केअर सेंटरच्या निर्मितीस प्रारंभ झाला. त्यानंतर अवघ्या काही दिवसांतच काेविड सेंटर निर्माण झाले. दरम्यान, औद्योगिक प्रशिक्षण संस्थेत अतितत्काळ सेवा म्हणून ५० बेडची व्यवस्था करण्यात आली. यापैकी १० बेड ऑक्सिजनच्या साेयींसह आहेत. तथापि जोखमीच्या रुग्णांना येथील कोविड केअर सेंटरमध्ये हलविण्याची प्रक्रिया सुरू करण्यात आली आहे. सेंटरमधील संपूर्ण बेड लवकरच व्हेंटिलेटर व ऑक्सिजनयुक्त करण्याचे काम सुरू असून, तज्ज्ञ डाॅक्टरही नेमले जाणार आहेत. यामुळे जिल्हा सामान्य रुग्णालयावर पडणारा अतिरिक्त ताण कमी होऊन जोखमीच्या रुग्णांना तत्काळ संदर्भ सेवा मिळण्याचा मार्ग मोकळा झाला आहे.
बाॅक्स
आमदारांकडून सॅनेटायजर मशीन
काेविड सेंटरमधील रुग्णांना हात निर्जंतुक करता यावेत यासाठी आ. कृष्णा गजबे यांनी सॅनेटायजर मशीन उपलब्ध करून दिली. याशिवाय सेंटरमध्ये अत्यावश्यक अन्य सुविधा उपलब्ध केल्या जाणार आहेत. तसेच संदर्भीय सेवा उपलब्ध करून देण्यावर लक्ष ठेवले जाईल. काेराेनाचा संसर्ग टाळण्यासाठी तालुक्यातील जास्तीतजास्त नागरिकांनी लस घ्यावी. तसेच इतरांना याबाबत प्रोत्साहित करावे. तेव्हाच आराेग्य यंत्रणा गतिमान हाेऊन तालुक्यातील मृत्युदर आटाेक्यात आणता येईल, असेही मान्यवरांनी याप्रसंगी स्पष्ट केले.
===Photopath===
150521\15gad_1_15052021_30.jpg
===Caption===
काेविड केअर सेंटरचे उद्घाटन करताना आ. कृष्णा गजबे.