टायगर झाला चिंतामुक्त

‘हीरोपंती’ रिलीज झाल्यानंतर आपली तुलना जॅकी श्रॉफशी केली जात नसल्याचे बघून अभिनेता टायगर श्रॉफ सध्या अत्यंत खुश आहे.

स्टार पुत्रांची तुलना त्यांच्या वडिलासोबत करण्याचा ट्रेड बॉलीवूडमध्ये प्रचलित आहे; परंतु ‘हीरोपंती’ रिलीज झाल्यानंतर आपली तुलना जॅकी श्रॉफशी केली जात नसल्याचे बघून अभिनेता टायगर श्रॉफ सध्या अत्यंत खुश आहे. ‘हीरोपंती’बाबत संमिश्र प्रतिक्रिया व्यक्त होत आहेत. प्रेक्षक काय पसंत करतील व कशाला नाक मुरडतील, हे कुणीच सांगू शकत नाही, या चित्रपटासाठी मी प्रचंड मेहनत घेतली होती. त्यामुळे चिंतामुक्तीचा अनुभव मी घेत आहे, असे टायगरने सांगितले.