पतीपासून विभक्त झाल्यात 'या' 5 मराठी अभिनेत्री; कित्येक वर्षांपासून एन्जॉय करतायेत सिंगल लाइफ

Marathi actresses: तेजस्विनीला तिच्या खासगी आयुष्याविषयी फारसं बोलायला आवडत नाही. मात्र, तिने तिच्या बालपणीच्या मित्रासोबतच लग्नगाठ बांधली होती.

स्मिता गोंदकर - बिग बॉस मराठी सीझन १ ची स्पर्धक स्मिता गोंदकर हिचादेखील घटस्फोट झाला आहे. स्मिताने सिद्धार्थ बांठिया याच्यासोबत लग्न केलं होतं. मात्र, सिद्धार्थने आपली फसवणूक करुन लग्न केल्याचा आरोप स्मिताने केला.

स्मिताने सिद्धार्थवर गैरवर्तन आणि फसवणुकीच्या आरोपाखाली गुन्हा दाखल करत त्याच्यापासून विभक्त झाली. स्मिता सध्या सिंगल आयुष्य एन्जॉय करत आहे.

शाल्मली टोळे - शाल्मली मराठी कलाविश्वातील नावाजलेली अभिनेत्री आहे. तिने २०१० मध्ये अभिनेता पियुष रानडेसोबत लग्न केलं होतं. मात्र, २०१४ मध्ये ते विभक्त झाले.

घटस्फोटानंतर शाल्मलीने पुन्हा लग्नाचा विचार केला नाही. तर, पियुषने मात्र दुसरं लग्न केलं.

तेजश्री प्रधान- होणार सून मी या घरची या मालिकेतून नावारुपाला आलेली तेजश्री आज कोणालाही नवीन नाही. तेजश्रीने याच मालिकेतील शशांक केतकरसोबत लग्नगाठ बांधली.

तेजश्री आणि शशांक यांचा संसार केवळ वर्षभर टिकला. त्यानंतर या दोघांमध्ये खटके उडू लागले. अखेर हे दोघं विभक्त झाले. घटस्फोटानंतर शशांकने दुसरं लग्न केलं. मात्र, तेजश्री अजूनही सिंगल आहे.

मयुरी वाघ - अभिनेत्री शाल्मली टोळेसोबत घटस्फोट घेतल्यानंतर पियुष रानडेने मयुरी वाघसोबत लग्न केलं. अस्मिता मालिकेच्या सेटवर मयुरी आणि पियुषचं सूत जुळलं.

मैत्रीपासून सुरु झालेला हा प्रवास लग्नापर्यंत येऊन थांबला. या दोघांनी लग्न केलं. मात्र, पियुषचं मयुरीसोबतदेखील बिनसलं. अखेर मयुरीनेदेखील पियुषसोबत विभक्त होण्याच निर्णय घेतला.

तेजस्विनी पंडित - मराठी कलाविश्वातील यशस्वी अभिनेत्रींच्या यादीत तेजस्विनी पंडितचा आवर्जुन समावेश केला जातो. मध्यंतरी तेजस्विनी रानबाजार या वेबसीरिजमुळे चर्चेत आली होती.

तेजस्विनीने तिच्या बालपणीचा मित्र भूषण भोपे याच्याशी लग्न केलं होतं. मात्र हा संसार फार काळ टिकला नाही. तेजस्विनीला तिच्या खासगी आयुष्याविषयी फारसं बोलायला आवडत नाही.