कलाविश्वापासून दूर आहे सचिन खेडेकरची पत्नी; 'या' क्षेत्रात करतीये काम

Sachin khedekar: अनेकदा प्रोफेशनल लाइफविषयीचे अपडेट शेअर करणाऱ्या सचिन यांच्या पत्नीविषयी सध्या सोशल मीडियावर चर्चा रंगली आहे.

मराठी कलाविश्वातील लोकप्रिय आणि गुणी अभिनेता म्हणजे सचिन खेडेकर.

अनेक गाजलेल्या मालिका, चित्रपट यांच्या माध्यमातून प्रेक्षकांच्या भेटीला आलेल्या सचिन खेडेकर यांनी मराठीसह हिंदी कलाविश्वातही काम केलं आहे.

सध्या सचिन खेडेकर कोण होणार करोडपती या रिअॅलिटी शोमुळे चर्चेत येत आहेत.

'मी शिवाजीराजे भोसले' बोलतोय या चित्रपटामुळे विशेष लोकप्रियता मिळवलेला हा अभिनेता सोशल मीडियावरही कमालीचा सक्रीय आहे.

अनेकदा प्रोफेशनल लाइफविषयीचे अपडेट शेअर करणाऱ्या सचिन यांच्या पत्नीविषयी सध्या सोशल मीडियावर चर्चा रंगली आहे.

सचिन खेडेकर यांच्या पत्नीचं नाव जल्पा खेडेकर असं आहे.

जल्पा कलाविश्वापासून दूर अन्य दुसऱ्या क्षेत्रात नशीब आजमावत आहेत. मात्र, सोशल मीडियावर त्या कायम त्यांचे अपडेट्स देत असतात.

जल्पा सोशल मीडियावर प्रचंड सक्रीय असून त्यांनी सचिन खेडेकरांसोबतचे अनेक फोटो शेअर केले आहेत. यात काही लग्नाचेदेखील फोटो आहेत.

जल्पा एक स्वतंत्र व्यावसायिक आहेत. प्रोव्हो सेंटरमध्ये त्या व्यावसायिक थेरपिस्ट सहाय्यक पदावर काम करत असल्याचं सांगण्यात येतं.

जल्पा व सचिन यांनी दोन मुलेदेखील आहेत.

सचिन खेडेकर उत्तम अभिनेता असण्यासोबतच दिग्दर्शकदेखील आहेत.

नेताजी सुभाषचंद्र, मुरांबा, शटर, काकस्पर्श आणि मी शिवाजीराजे भोसले बोलतोय या चित्रपटांमध्ये सचिन खेडकर यांनी प्रमुख भूमिका साकारली आहे.