'महाराष्ट्राची हास्यजत्रा'च्या कलाकारांच्या खऱ्या आयुष्यातील जोडीदार पाहिलेत का?, पाहा त्यांचे फोटो

Maharashtrachi Hasyajatra : छोट्या पडद्यावरील लोकप्रिय कॉमेडी शो महाराष्ट्राची हास्यजत्रामध्ये गौरव-वनिता, समीर-विशाखा, नम्रता-प्रसाद आणि इतर अनेक लोकप्रिय ऑन-स्क्रीन जोड्या आहेत, या जोड्या त्यांच्यातील छान केमिस्ट्रीसाठी ओळखल्या जातात. पण तुम्हाला माहीत आहे का त्यांचे खऱ्या आयुष्यातील जोडीदार कोण आहेत?

वनिता खरात आणि सुमीत लोंढे ही जोडी गेल्या काही दिवसांपासून चर्चेत होती. दोन वर्षे एकमेकांना डेट केल्यानंतर २ फेब्रुवारीला ही जोडी विवाहबंधनात अडकली.

अभिनेता समीर चौघुलेच्या पत्नीचं नाव कविता आहे. समीर आणि कविता यांच्या लग्नाला लवकरच २५ वर्षे पूर्ण होतील. कविताच्या पाठिंब्यामुळेच आपण इथपर्यंत टिकून असल्याचे समीर अनेकदा सांगतो.

अभिनेत्री चेतना भट्टने मराठी चित्रपटसृष्टीत काम करणारे गीतकार-लेखक मंदार चोळकर यांच्याशी लग्न केले आहे.

प्रसाद खांडेकर आणि अल्पा खांडेकर हे सोशल मीडियावर खूप सक्रिय असतात. प्रसादला श्लोक नावाचा मुलगाही आहे.

नम्रता संभेराव हिचा योगेशसोबत ८ वर्षांपूर्वी विवाह झाला होता. या दोघांनाही एका मुलगा असून त्याचे नाव रुद्राज असे आहे.

'कॉमेडी क्वीन' विशाखा सुभेदारचा नवरा अभिनेता महेश सुभेदार आहे. या जोडप्याला एक मुलगाही आहे. विशाखा अनेकदा आपल्या पतीसोबतचे रोमँटिक फोटो सोशल मीडियावर पोस्ट करते.

प्रसाद ओक आणि मंजिरी ओक हे मराठी सिनेइंडस्ट्रीतील लोकप्रिय कपल आहे. या दोघांनाही दोन मुले आहेत. मंजीरीसुद्धा आता प्रसादच्या कामात त्याला मदत करत असते.

महाराष्ट्राची हास्यजत्रा या शोची परीक्षक सई ताम्हणकरला अखेर तिचा खऱ्या आयुष्यातला जोडीदार मिळाला आहे. सई गेल्या काही दिवसांपासून अनीश जोगला डेट करत आहे. काही दिवसांपूर्वी तिने सोशल मीडियावर अनीशसोबतचे फोटो शेअर केले आणि आपले नाते अधिकृत केले.