कधी मजुरी तर कधी रस्त्यावर विकले पेन! जाणून घ्या, हालाखीचे दिवस पाहिलेल्या जॉनी लिवर यांची एकूण संपत्ती

Johnny lever:हालाखीच्या परिस्थितीतून वर आलेले जॉनी लिवर आज अमाप संपत्तीचे मालक आहेत. जॉनी लिवर यांचं लोखंडवालामध्ये 3 bhk आलिशान फ्लॅट आहे.

जॉनी लिवर (Johnny Lever) हे नाव जरी उच्चारलं तरी अनेकांच्या चेहऱ्यावर हसू उमलतं. गेल्या कित्येक वर्षांपासून जॉन लिवर आपल्या विनोदबुद्धीच्या जोरावर प्रेक्षकांचं मनोरंजन करत आहेत.

90's मधल्या अनेक चित्रपटांमध्ये ते झळकले असून आपल्या विनोदामुळे त्यांनी प्रेक्षकांची मनं जिंकली आहेत. त्यामुळेच देशातील पहिले स्टँडअप कॉमेडियन म्हणून कायम त्यांचा उल्लेख केला जातो.

जवळपास १३ वेळा जॉनी लिवर यांना फिल्मफेअर पुरस्काराने सन्मानित करण्यात आलं आहे. आतापर्यंत त्यांनी साधारणपणे ३५० चित्रपटांमध्ये काम केलं आहे.

आंध्र प्रदेशातील प्रकाशम जिल्ह्यात लहानाचे मोठे झालेल्या जॉनी लिवर यांची एकेकाळी प्रचंड हालाखीची परिस्थिती होती.

आज करोडो लोकांना हसायला लावणाऱ्या जॉनी लिवर केवळ ७ पर्यंतच शिकले आहेत. घरची परिस्थिती बेताची असल्यामुळे त्यांना शिक्षण पूर्ण करता आलं नाही.

दर्द का रिश्ता (1982) या चित्रपटातून जॉनी लिवर यांनी कलाविश्वात पदार्परण केलं. त्यानंतर त्यांनी अनेक सुपरहिट चित्रपट दिले.

'मैं बलवान', 'जलवा', 'हत्या', 'हीरो हीरालाल', 'तेज़ाब', 'इलाक़ा', 'जादूगर', 'चालबाज़', 'किशन कन्हैया', 'नरसिम्हा', 'खिलाड़ी', 'अनाड़ी' और 'रूप की रानी चोरों का राजा' यांसारखे अनेक चित्रपट त्यांचे गाजले.

हालाखीच्या परिस्थितीतून वर आलेले जॉनी लिवर आज अमाप संपत्तीचे मालक आहेत. जॉनी लिवर यांचं लोखंडवालामध्ये 3 bhk आलिशान फ्लॅट आहे. या घराची किंमत साधारणपणे १५ कोटींच्या आसपास असेल.

तसंच मुंबईतील अन्य ठिकाणीदेखील त्यांची घरं आहेत. जॉनी लिवर यांच्याकडे Audi Q7,Honda Accord, Toyota Fortuner अशा लक्झरी गाड्या आहेत.

Caknowledge.com च्या रिपोर्टनुसार, जॉनी लिवर महिन्याला १ कोटींची कमाई करतात. ते एका चित्रपटासाठी १ कोटी रुपये मानधन घेतात. २०२२ मध्ये त्यांची एकूण संपत्ती २२७ कोटी रुपयांच्या आसपास असल्याचं सांगण्यात येतं.

जॉनी लिवर यांनी एक मुलगी व मुलगा अशी दोन मुलं आहेत. त्यांची लेक जॅमी सुद्धा त्यांच्याप्रमाणेच प्रसिद्ध स्टँड अप कॉमेडियन आहे.