Latest Entertainment News | Bollywood and Hollywood News in Marathi | Marathi Movies and Celebrities | बॉलीवुड & मराठी चित्रपट

LMOTY 2026: मराठी चित्रपटसृष्टीचे सम्राट आणि रसिक प्रेक्षकांचे लाडके 'अशोक मामा' म्हणजेच अशोक सराफ यांच्या शिरपेचात आणखी एक मानाचा तुरा रोवला गेला आहे. महाराष्ट्र भूषण आणि पद्मश्री पुरस्कारांनंतर आता यंदाच्या 'लोकमत महाराष्ट्रीयन ऑफ द इयर - जीवनगौरव' पुरस्काराने अशोक सराफ यांना सन्मानित करण्यात आले. या खास क्षणी अशोक सराफ यांच्यासोबत त्यांची पत्नी आणि अभिनेत्री निवेदिता सराफ उपस्थित होत्या. महाराष्ट्राचे मुख्यमंत्री देवेंद्र फडणवीस आणि उपमुख्यमंत्री एकनाथ शिंदे यांच्या हस्ते अशोक सराफ यांना 'लोकमत महाराष्ट्रीयन ऑफ द इयर - जीवनगौरव' पुरस्कार प्रदान करण्यात आला आहे. हा सोहळा मंगळवार, दि. १० मार्च रोजी भारताचे प्रवेशद्वार अशी ओळख असणाऱ्या 'गेटवे ऑफ इंडिया' येथे पार पडतोय. या दिमाखदार सोहळ्याला राजकीय, सामाजिक आणि सांस्कृतिक क्षेत्रातील अनेक दिग्गज उपस्थित होते. या खास क्षणी प्रसिद्ध गायक शान यानं अशोक सराफ यांच्यासाठी 'अश्विनी ये ना' हे गाणं गायलं. पुरस्कार स्वीकारण्याआधी अशोक सराफ यांनी उपस्थितांना अभिवादन केले. त्यांच्या या कृतीने सगळ्यांची मनं जिंकून घेतली आहेत. पुरस्कार स्वीकारल्यानंतर अशोक सराफ आनंद व्यक्त करत म्हणाले की, "दोन शब्द बोलले मी फक्त... धन्यवाद, आता पुन्हा मला आणखी एक जीवनगौरव पुरस्कार मिळतोय. हा नुसता पुरस्कार नाही तर हा माझी काम करण्यासाठी हिमंत वाढवणारा पुरस्कार आहे".पुढे ते म्हणाले, "हा पुरस्कार मिळवण्यासाठी मी एकटा जबाबदार नाही तर माझे प्रेक्षक, माझ्या बरोबरचे सहकलाकार आणि माझ्याबद्दल कायम सदिच्छा बाळगणारे लोक हे सतत माझ्या पाठीशी असल्यानं हे काम झालं. मी केलं असं कधीही म्हणार नाही. त्याबद्दल मी तुमच्या सर्वांचा आभारी आहे. लोकमत या वर्तमानपत्राचा मी मोठा आभारी आहे. त्यांनी मला या पुरस्कारासाठी पात्र समजलं. दर्डा यांचा मी कायम ऋणी राहिल. माझ्याबरोबर व्यासपीठावर जे उभे आहेत. ते बऱ्याचवेळा मला पुरस्कार देताना उभे होते आणि आजही ते पुन्हा उभे आहेत, ही सर्वांत मोठी गोष्ट आहे". याच कार्यक्रमात बोलताना राज्याचे उपमुख्यमंत्री एकनाथ शिंदे यांनी अशोक सराफ यांचं अभिनंदन केले. ते म्हणाले, "अशोक सराफ यांना आतापर्यंत बरेच मोठे पुरस्कार मिळाले आहेत. त्यामुळे त्यांना आता पुरस्कार ठेवण्यासाठी एक शोकेस द्यायला हवं. अशोक यांनी चित्रपट आणि नाटकांमधून जो आनंद आपल्याला दिला आहे, तर त्याची परतफेड कितीही पुरस्कार दिले तरी करता येणार नाही. त्यामुळे या पुरस्काराबद्दल त्यांचं अभिनंदन करताना त्यांना आणखी पुरस्कार मिळत राहो, अशा शुभेच्छा मी देतो". अशोक सराफ यांचा प्रेरणादायी प्रवासअशोक सराफ यांना सर्वजण प्रेमाने 'मामा'अशी हाक मारतात. अशोक सराफ यांचा जन्म १९४७ साली मुंबईतच झाला. १९६९ पासून ते सिनेसृष्टीत कार्यरत आहेत. मराठीसोबतच त्यांनी अनेक हिंदी सिनेमांमध्येही काम केलं. 'जानकी' या सिनेमातून त्यांनी अभिनयात पदार्पण केलं. यानंतर त्यांनी 'आयत्या घरात घरोबा', 'अशी ही बनवाबनवी', 'बाळाचे बाप ब्रह्मचारी', 'भूताचा भाऊ', 'धुमधडाका'सह ३०० पेक्षा जास्त सिनेमांमध्ये काम केलं आहे. विनोदी अभिनेता म्हणून ते लोकप्रिय झाले. सचिन पिळगांवकर, लक्ष्मीकांत बेर्डे यांच्यासोबतचे त्यांचे चित्रपट खूप गाजले. सिनेमांशिवाय अशोक सराफ यांनी रंगभूमीही गाजवली. हिंदी सिनेसृष्टीतही अशोक सराफ यांनी अभिनयाचा डंका गाजवला. 'सिंघम' मधील त्यांची भूमिका विशेष गाजली. याशिवाय 'गुप्त', 'कोयला', 'येस बॉस', 'करण अर्जुन', 'प्यार किया तो डरना क्या' या सिनेमात त्यांनी भूमिका साकारल्या आहेत.

थलापती विजयचा दबदबा

शाहरुख खानच्या 'किंग'ची उत्सुकता

रितेश देशमुखचा 'राजा शिवाजी'

'रामायण' चित्रपट

Bollywood

Marathi Cinema

Television

Web Series

South Movies

Reviews

Hollywood

Photos

Videos

Filmy Stories

बॉलीवुड :"गेली दोन वर्ष आमच्यासाठी…", गोविंदा अन् सुनीता आहुजा यांच्या घटस्फोटाच्या चर्चांवर लेक स्पष्टच बोलली

गोविंदा अन् सुनीता आहुजामध्ये खरंच बिनसलंय? घटस्फोटाच्या चर्चांदरम्यान लेक टीनाने केलेलं वक्तव्य चर्चेत ...

टेलीविजन :बहिणीच्या निधनानंतर अभिनेत्रीने घेतला मोठा निर्णय; भाच्यांना सांभाळण्यासाठी राहिली अविवाहित

अभिनेत्रीला ओळखलंत का? 'या' मालिकांमध्ये केलंय काम ...

बॉलीवुड :'पहाटे ४ पर्यंत मी दारु प्यायचो, पत्नी अन् मुले सुद्धा..'; जॉनी लिव्हर जडलेलं व्यसन

Johnny lever: एका मुलाखतीमध्ये त्यांनी त्यांच्या दारुच्या व्यसनाबद्दल भाष्य केलं आहे. ...

बॉलीवुड :किआरा की अनीत पड्डा? पडद्यावर कोण साकारणार मधुबाला; 'त्या' चर्चांना यशराज फिल्म्सकडून पूर्णविराम

बॉलीवुड :शिल्पा शेट्टीला दहावीत मिळाले होते 48% , अभिनेत्रीच्या आईची होती अशी प्रतिक्रिया

Shilpa shetty: 'निकम्मा' या सिनेमाच्या प्रमोशनवेळी शिल्पाने तिच्या बालपणीचा एक किस्सा सांगितला होता. ...

मराठी सिनेमा :महानगर गॅस फ्रॉड कॉल करणाऱ्याची सिद्धार्थ चांदेकरने घेतली मजा; म्हणाला, "माझ्या मागे म्हण...'

बॉलीवुड :LMOTY 2026: 'अश्विनी ये ना...', पुरस्कार सोहळ्यात गायक शानच्या सुरांनी सर्वच झाले मंत्रमुग्ध, होतंय कौतुक

'शान'दार! 'लोकमत महाराष्ट्रीयन ऑफ द इअर' पुरस्कार सोहळात शानने गायलं अशोक सराफांचं गाजलेलं गाणं, होतंय कौतुक ...

बॉलीवुड :Video: आमिर खान आणि विकी कौशलने वाकून केला अशोक सराफ यांना नमस्कार; सोहळ्यातील 'तो' खास क्षण

अशोक सराफ यांना बॉलिवूडचे धुरंधर आमिर खान आणि विकी कौशल यांनी वाकून नमस्कार केल्याचं पाहायला मिळालं. ...

पुरस्कार स्वीकारण्यासाठी स्टेजवर आल्यावर विकीने उपस्थितांची मने जिंकली. ...