सोनाली कुलकर्णीचे आई-बाबा झळकणार 'शॉर्ट अँण्ड स्वीट’मध्ये

Short And Sweet Movie : मराठी सिनेइंडस्ट्रीतील प्रसिद्ध अभिनेत्री सोनाली कुलकर्णीचा आगामी चित्रपट ‘शॅार्ट अँड स्वीट’ची प्रेक्षक आतुरतेने वाट पाहात आहेत. या चित्रपटात सोनाली कुलकर्णीसोबत हर्षद अतकरी, श्रीधर वत्सर आणि रसिका सुनील यांच्या प्रमुख भूमिका असून यात आणखीही दोन नवोदित कलाकार झळकणार आहे.

मराठी सिनेइंडस्ट्रीतील प्रसिद्ध अभिनेत्री सोनाली कुलकर्णीचा आगामी चित्रपट ‘शॅार्ट अँड स्वीट’ची प्रेक्षक आतुरतेने वाट पाहात आहेत. या चित्रपटात सोनाली कुलकर्णीसोबत हर्षद अतकरी, श्रीधर वत्सर आणि रसिका सुनील यांच्या प्रमुख भूमिका असून यात आणखीही दोन नवोदित कलाकार झळकणार आहे. प्रश्न पडला ना? कोण हे कलाकार? तर हे नवोदित कलाकार आहेत सोनाली कुलकर्णीचे आई - बाबा. 

पुण्यात चित्रीकरण असल्यामुळे सोनालीचे आई-बाबा तिला सहजच सेटवर भेटायला आले होते. त्यावेळी बसमधील प्रवास करतानाचा सीन चित्रीत होत होता. सोनालीचे आई-बाबा तिथेच असल्यामुळे दिग्दर्शकांनी त्यांना अभिनय करण्याची संधी दिली. दिग्दर्शकांनी दिलेल्या संधीला मान देत त्यांनीही अभिनय करण्याची संधी स्वीकारली. या चित्रपटात ते सहप्रवाशाच्या भूमिकेत झळकणार आहेत. आपल्या मुलीसोबत काम करण्याचा आनंद काही औरच आहे, अशा शब्दांत सोनलीच्या आई-बाबांनी त्यांच्या भावना व्यक्त केल्या. तर सोनालीलाही आपल्या आईबाबांसोबत काम करण्याचा अनुभव कमाल असल्याचे म्हटले आहे. 

 गणेश दिनकर कदम दिग्दर्शित, शुभम प्रोडक्शन निर्मित या चित्रपटाचे पायल गणेश कदम, विनोद राव निर्माते आहेत. हा चित्रपट येत्या ३ नोव्हेंबरपासून चित्रपटगृहात प्रदर्शित होणार आहे.