'सालबर्डी' सिनेमातील 'जगदंबे' गाणं प्रदर्शित, गश्मीर महाजनीला गोंधळीच्या रुपात पाहून चाहते थक्क

By ऑनलाइन लोकमत | Updated: March 18, 2026 15:04 IST2026-03-18T15:04:22+5:302026-03-18T15:04:46+5:30

गावोगावी फिरून आई जगदंबेचा जागर करणारे गोंधळी म्हणजे आपल्या लोकसंस्कृतीचा महत्त्वाचा घटक. त्यांची  भक्ती, त्याची ऊर्जा आपल्यातही चैतन्य निर्माण करते. ‘सालबर्डी’ या मराठी चित्रपटात अभिनेता गश्मीर महाजनी दमदार गोंधळी साकारताना दिसणार आहे. 

salbardi movie gashmeer mahajani jagdambe song released actor play gondhali | 'सालबर्डी' सिनेमातील 'जगदंबे' गाणं प्रदर्शित, गश्मीर महाजनीला गोंधळीच्या रुपात पाहून चाहते थक्क

'सालबर्डी' सिनेमातील 'जगदंबे' गाणं प्रदर्शित, गश्मीर महाजनीला गोंधळीच्या रुपात पाहून चाहते थक्क

पूजा सावंत मुख्य भूमिकेत असलेला ‘सालबर्डी’ सिनेमा प्रेक्षकांच्या भेटीला येत आहे. या सिनेमात पूजा डॅशिंग महिला पोलीस अधिकाऱ्याची भूमिका साकारताना दिसणार आहे. ‘सालबर्डी’ सिनेमात मराठी अभिनेता गश्मीर महाजनी एका वेगळ्या भूमिकेत दिसणार आहे. गावोगावी फिरून आई जगदंबेचा जागर करणारे गोंधळी म्हणजे आपल्या लोकसंस्कृतीचा महत्त्वाचा घटक. त्यांची  भक्ती, त्याची ऊर्जा आपल्यातही चैतन्य निर्माण करते. ‘सालबर्डी’ या मराठी चित्रपटात अभिनेता गश्मीर महाजनी दमदार गोंधळी साकारताना दिसणार आहे. 

‘सालबर्डी’मधील गश्मीरचं जगदंबे हे गोंधळी गाणं नुकतंच प्रदर्शित करण्यात आलं आहे. या नृत्यात गश्मीरने पारंपरिक वेशभूषा, प्रभावी देहबोलीसह कमालीचा नृत्याविष्कार सादर केला आहे. जगदंबेचा हा गोंधळ कथानकात थरार आणि उत्सुकता वाढवणारा ठरणार आहे. संबळाच्या ठेक्यावर रहस्यमय वातावरणात गश्मीरची एन्ट्री वेगळीच रंगत वाढविणारी आहे. गीतकार मुकुंद भालेराव यांच्या लेखणीतून सजलेल्या या गोंधळाला संगीतकार पद्मनाभ गायकवाड यांचा संगीतसाज आहे. अजय गोगावले यांचा दमदार स्वर गाण्याला लाभला आहे.  हा गोंधळ आशिष पाटील यांनी आपल्या सदाबहार अदाकारीने नृत्यदिग्दर्शित केला आहे.   

गावातील गूढ शांततेच्या आड दडलेलं जीवघेणं रहस्य उलगडण्यासाठी हा गोंधळी येतोय का? अशा प्रश्नांची उत्सुकता यामुळे निर्माण झाली आहे.  याबद्दल बोलताना गश्मीर महाजनी म्हणतो, "गोंधळ ही केवळ परंपरा नाही, तर देवीभक्तीची एक ऊर्जादायी अभिव्यक्ती आहे. ‘सालबर्डी’मधील माझा गोंधळी हा कथानकाला वेगळी दिशा देणारा महत्त्वाचा दुवा आहे. गोंधळ गीतामध्ये असलेली ऊर्जा, नाद आणि पारंपरिक वातावरण यामुळे शूटिंग करतानाच अंगावर रोमांच उभे राहत होते. प्रेक्षकांनाही हा अनुभव नक्कीच जाणवेल.”

महाराष्ट्रातील दुर्गम भागात वसलेल्या ‘सालबर्डी’ गावात घडणाऱ्या रहस्यमय घटनांचा थरारक शोध घेणारा ‘सालबर्डी’ हा चित्रपट नेब्यूला फिल्म्सच्या बॅनरखाली साकारण्यात आला आहे. या चित्रपटाची निर्मिती अनिल देवडे पाटील, डॉ. गजानन जाधव आणि राम जाधव यांनी केली असून, चित्रपटाच्या दिग्दर्शनाची धुरा रमेश साहेबराव चौधरी यांनी सांभाळली आहे. ‘सालबर्डी’ चित्रपटात पूजा सावंत, शशांक शेंडे, ओंकार भोजने, भारत गणेशपुरे, अंशुमन विचारे, रोहित कोकाटे, कमलाकर सातपुते, चित्तरंजन गिरी, अनिल नगरकर, माधव अभ्यंकर, प्रवीण डाळिंबकर, अभय गिते, राजेंद्र सातार्डेकर, कोमल चौधरी  या कलाकारांच्या भूमिका आहेत.

Web Title : 'सालबरडी' का गाना 'जगदंबे' रिलीज़; गोंधली के रूप में गश्मीर महाजनी ने चौंकाया

Web Summary : पूजा सावंत की 'सालबरडी' में गश्मीर महाजनी 'जगदंबे' गाने में गोंधली के रूप में हैं। अजय गोगावले द्वारा गाया गया गाना सालबरडी गांव की रहस्यमय कहानी में रोमांच जोड़ता है। गश्मीर का कहना है कि यह भूमिका कहानी को एक अनूठी दिशा देती है।

Web Title : 'Salberdi' song 'Jagdambe' released; Gashmeer Mahajani stuns as Gondhali

Web Summary : Pooja Sawant's 'Salberdi' features Gashmeer Mahajani as a Gondhali in the 'Jagdambe' song. The song, sung by Ajay Gogavale, adds thrill to the mysterious narrative of Salberdi village. Gashmeer says the role gives a unique direction to the story.