Raja Shivaji X Review: अंगावर शहारे अन् मराठीतला ब्लॉकबस्टर! 'राजा शिवाजी' सिनेमा कसा आहे?

रितेश देशमुखचा 'राजा शिवाजी' सिनेमा १ मे महाराष्ट्र दिनादिवशी आज सर्वत्र प्रदर्शित करण्यात आला आहे. 'राजा शिवाजी' सिनेमा पाहिल्यानंतर चाहत्यांनी X वर ट्वीट करत प्रतिक्रिया दिल्या आहेत. 

Raja Shivaji : रितेश देशमुखचा 'राजा शिवाजी' सिनेमा १ मे महाराष्ट्र दिनादिवशी आज सर्वत्र प्रदर्शित करण्यात आला आहे. या ऐतिहासिक सिनेमाचं दिग्दर्शन रितेश देशमुखने केलं असून या सिनेमात तो छत्रपती शिवाजी महाराजांच्या भूमिकेत दिसत आहे. शिवरायांवर मराठीत पहिल्यांदाच इतका भव्य ऐतिहासिक सिनेमा बनवण्यात आला आहे. 'राजा शिवाजी' सिनेमा पाहिल्यानंतर चाहत्यांनी X वर ट्वीट करत प्रतिक्रिया दिल्या आहेत. 

तरण आदर्श यांनी रितेशच्या 'राजा शिवाजी' सिनेमाला पॉवर पॅक म्हटलं आहे. "भारताचे महान पराक्रमी राजा छत्रपती शिवाजी महाराज यांना अर्पण केलेला दिग्दर्शक रितेश देशमुख यांनी साकारलेला हा भव्य सिनेमा एक मैलाचा दगड ठरणार आहे", असं त्यांनी ट्वीटमध्ये म्हटलं आहे. तरण आदर्श यांनी 'राजा शिवाजी' सिनेमाला ५ पैकी साडेचार स्टार्स दिले आहेत. 

#OneWordReview...#RajaShivaji: POWER-PACKED.
Rating: ⭐️⭐️⭐⭐️½
A magnificent tribute to one of #India's greatest warrior kings – Chhatrapati Shivaji Maharaj... Director #RiteishDeshmukh delivers a landmark film... DON'T MISS IT! #RajaShivajiReview#RajaShivaji is a grand… pic.twitter.com/ooQyQaNeMo

— taran adarsh (@taran_adarsh) May 1, 2026

एका X अकाऊंटवरुन 'राजा शिवाजी' सिनेमाचा रिव्ह्यू करण्यात आला आहे. रितेश देशमुख सिनेमाचं मुख्य आकर्षण असल्याचं म्हटलं गेलं आहे. मराठीत पहिल्यांदाच अशाप्रकारचे युद्धाचे सीन्स दाखवण्यात आल्याचं म्हटलं गेलं आहे. 

Raja Shivaji REVIEW !!! @Riteishd is The biggest Attraction of the film , his performance 👏🔥 he could pulled it off !!!

Sanjay Dutt and Abhishek Bachchan 👌The war scenes are a major highlight — a Marathi film industry is seeing this level of realistic war action for the… pic.twitter.com/B05QfRQ5y3

— Let's X OTT GLOBAL (@LetsXOtt) May 1, 2026

"मराठीतील ब्लॉकबस्टर सिनेमा. रितेश देशमुखने त्याच्या करिअरमधील सर्वोत्तम महाराजांच्या दूरदृष्टीपूर्ण नेतृत्वाला आणि पराक्रमी स्वभावाला प्रभावीपणे साकारले आहे", असं एका रिव्ह्यूमध्ये म्हटलं गेलं आहे. 

#RajaShivaji Review - Magnificent Blockbuster 🚩🚩

Rating - ⭐ ⭐ ⭐ ⭐ ✨

Raja Shivaji is a monumental moment for Marathi cinema bringing Chhatrapati Shivaji Maharaj to life with unmatched grandeur, authenticity, and technical brilliance. 👏👏@Riteishd delivers a… pic.twitter.com/75HzHjsKJg

— Girish ✨ (@Girish__28) May 1, 2026

रितेशने अशक्य ते शक्य करून दाखवलंय. फक्त अभिनेता म्हणून नाही तर एक दिग्दर्शक म्हणून त्याने खऱ्या अर्थाने छत्रपती शिवाजी महाराजांना हा सिनेमा समर्पित केला आहे. हा सिनेमा म्हणजे फक्त बायोपिक नव्हे तर हा ऐतिहासिक कथाकथनाचा एक उत्कृष्ट नमुना आहे, जो प्रखर भावना आणि भव्यतेचा अप्रतिम समतोल साधतो.

#RajaShivajiReview: ⭐⭐⭐⭐🌟 #RiteishDeshmukh has achieved the impossible. Not only as an actor but as a director, he has crafted a monumental tribute to the legendary Chhatrapati Shivaji Maharaj. #RajaShivaji This isn't just a biopic; it’s a masterclass in historical… pic.twitter.com/GMonDNLEgu

— Vishwajit Patil (@_PatilVishwajit) May 1, 2026

दरम्यान, रितेश देशमुखच्या 'राजा शिवाजी' सिनेमात अभिषेक बच्चन संभाजीराजे भोसले, विद्या बालन बडी बेगम, संजय दत्त अफजलखान, भाग्यश्री राजमाता जिजाऊ, जिनिलीया राणी सईबाई यांच्या भूमिकेत आहेत. 'राजा शिवाजी' सिनेमाचे शो ठिकठिकाणी हाऊसफूल झाले आहेत. या सिनेमाच्या अॅडव्हान्स बुकिंगला जोरदार प्रतिसाद मिळाला. 'राजा शिवाजी' सिनेमाचं बजेट १०० कोटी असून हा सिनेमा मराठीत इतिहास घडवणार असल्याचा अंदाज व्यक्त करण्यात आला आहे.