Marathi Movies | मराठी चित्रपट | Marathi Cinema News & Gossip in Marathi | Marathi Actress & Actors News | Movie Reviews & Box Office Collection | Songs, Trailers & Videos

चेह-यावरील हावभाव, डोळ्यातून व्यक्त होणा-या भावना आणि तितकीच प्रभावी संवादफेक यामुळे रसिकांच्या मनात अढळ स्थान मिळवणारे कलाकार म्हणजे अभिनेता विक्रम गोखले. सशक्त, गंभीर भूमिका साकारणारा दर्जेदार कलावंत म्हणून नावलौकिक मिळवणारे अभिनेता म्हणजे विक्रम गोखले.मराठी सिनेमा आणि रंगभूमी गाजवणा-या या कलाकाराने हिंदीतही वेगळी छाप पाडली आहे.आवाजावरील विलक्षण पकड, डोळे आणि मुद्राभिनय तसंच देहबोलीचा अचूक वापर करणारा एक अवलिया म्हणजे विक्रम गोखले. घरातूनच त्यांना अभिनयाचा वारसा लाभला.त्यांच्या रक्तातच अभिनय भिणलेला आहे. त्यांच्या आजी कमलाबाई गोखले या पहिल्या महिला बालकलाकार तर वडील चंद्रकांत गोखले हे मराठी रंगभूमी आणि सिनेमातील एक गाजलेलं नाव. गेली शंभर वर्षे जुनी परंपरा असणा-या गोखले कुटुंबीयांचे विक्रम गोखले हे महत्त्वाचे शिलेदार आहेत. मात्र स्वकर्तृत्वावर ठाम विश्वास असणा-या विक्रम गोखले यांनी स्वतःच्या अभिनय क्षमतेच्या जोरावर अभिनयाक्षेत्रात नवी उंची गाठली आहे. मराठी हिंदी सोबतच त्यांनी गुजराती भाषेतही काम करत आपल्यातील कलावंतला अधिक प्रगल्भ केले.अभिनयाच्या क्षेत्रात वावरत असताना विक्रम गोखले यांनी सामाजिक बांधिलकीही जपली.अपंग सैनिक आणि समाजातील उपेक्षितांसाठी त्यांनी केलेलं कार्यसुद्धा वाखाणण्याजोगं आहे.त्यामुळे विक्रम गोखले या कलावंताच्या अभूतपूर्व अशा या कारकिर्दीचा आढावा लवकरच एका माहितीपटामधून घेतला जाणार आहे.अभिनय क्षेत्राची तब्बल ५० वर्ष अविरत सेवा करताच त्यांनी दुसरीकडे सामाजिक बांधिलकीचा वसा देखील जपला. अपंग सैनिक आणि समाजातील उपेक्षितांसाठी वडील चंद्रकात गोखले यांसोबत गेली कित्येक वर्षे ते सक्रिय कार्य करीत आहे. अशा या मातब्बर नटश्रेष्टाच्या कारकीर्दीचा आढावा लवकरच माहितीपटातून घेतला जाणार आहे. थीम्स अनलिमिटेड आणि इंडियन फिल्म स्टुडियोच्या बेनरखाली ह्या माहितीपटाचे चित्रीकरण होत असून, योगेश सोमण, आशिष वाघ आणि उत्पल आचार्य या तीन निर्मात्यांची फक्कड तिकडी याला लाभली आहे, तसेच या माहितीपटाची संकल्पना आणि दिग्दर्शन विवेक वाघ करीत आहेत.शेखर ढवळीकर लिखित या माहितीपटातून विक्रम गोखले यांच्या अभिनयाची प्रदीर्घ कारकीर्द रसिकांसमोर सादर केली जाणार आहे, या माहितीपटाबरोबरच विक्रम गोखले यांच्या आयुष्यातील महत्वाच्या लोकांकडून त्यांचा जीवनप्रवास देखील कथित केला जाईल, शिवाय, खुद्द विक्रम गोखले देखील आपल्या आठवणींना उजाळा देण्याचा प्रयत्न या माहितीपटातून करताना दिसतील. अभिनयाचा वारसा लाभलेल्या विक्रम गोखले या विक्रमी कलावंताचा हा माहितीपट लवकरच प्रदर्शित होणार आहे.

रणवीर सिंगचा 'धुरंधर २'

बिग बॉस मराठी ६

रितेश देशमुखचा 'राजा शिवाजी'

'रामायण' चित्रपट

Bollywood

Marathi Cinema

Television

Web Series

South Movies

Reviews

Hollywood

Photos

Videos

Filmy Stories

मराठी सिनेमा :सचिन पिळगांवकर यांना जीवन गौरव पुरस्कार

मराठी सिनेमा :मुक्ता बर्वेचे फेसबुक पेज झाले व्हेरिफाइड

मराठी सिनेमा :शांतेचे कार्ट चालू आहे चालले डोहाला

मराठी सिनेमा :अरुण नलावडे दिग्दर्शकाच्या भूमिकेत

मराठी सिनेमा :चंद्रकांत कुलकर्णी, कांचन सोनटक्के यांचा 'चैत्र चाहूल' पुरस्काराने गौरव

मराठी सिनेमा :OMG: अभिनेत्री प्राजक्ता माळीच्या याच हॉट फोटोची होतेय सोशल मीडियावर चर्चा ?

मराठी सिनेमा :कधी पाहिलाय का अभिनेत्री सोनाली कुलकर्णीचा हा कुल अंदाज

मराठी सिनेमा :येत्या शुक्रवारी ‘नगरसेवक’ आपल्या भेटीला

मराठी सिनेमा :सई ताम्हणकरने बीचवर कोणाचा पकडला हात?

मराठी सिनेमा :विक्रम गोखले यांच्या कारकिर्दीचा आढावा माहितीपटामधून उलगडणार