"शब्दांत सांगता येणार नाही असा अनुभव..." पहाटे ३ वाजता महाकालच्या भस्म आरतीत तल्लीन तमन्ना भाटिया; पाहा व्हिडीओ

अभिनेत्री तमन्ना भाटियाने उज्जैनच्या महाकालेश्वर मंदिरात पहाटे ३ वाजता होणाऱ्या भस्म आरतीला उपस्थिती लावली.

Tamannaah Bhatia : बॉलिवूडमध्ये अनेक कलाकार भगवान महादेवाचे मोठे भक्त आहेत आणि ते अनेकदा आपली भक्ती व्यक्त करतात. त्यापैकी एक नाव म्हणजे प्रसिद्ध अभिनेत्री तमन्ना भाटिया. नुकतंच तमन्नाने मंगळवारी (१२ मे २०२६) पहाटे उज्जैन येथील प्रसिद्ध श्री महाकालेश्वर मंदिराला भेट दिली. पहाटे ३ वाजता होणाऱ्या 'भस्म आरती'मध्ये ती सहभागी झाली होती.

तमन्नाने कपाळाला चंदन लावून सर्व भक्तांसोबत बसून महाकालची आरती केली. महाकालला जलाभिषेक केल्यानंतर तिने परंपरेनुसार नंदीच्या कानात आपली इच्छा व्यक्त केली. लाल रंगाच्या बनारसी साडीत तमन्नाचे रूप अत्यंत सात्विक आणि सुंदर दिसत होते. माध्यमांशी बोलताना तमन्ना भावुक झाली. ती म्हणाली, "जय श्री महाकाल! येथे येऊन खूप छान वाटत आहे. महाकालचे बोलावणे आल्याशिवाय येथे येता येत नाही. आज सर्वांसोबत भस्म आरती अनुभवण्याची संधी मिळाली, ती भावना मी शब्दांत वर्णन करू शकत नाही. मला खूप सकारात्मक ऊर्जा जाणवत आहे. सर्वांनी एकत्र बसून आरती पाहण्याचे ते दृश्य तुम्हाला जगात इतर कोठेही दिसणार नाही".

#WATCH | Ujjain, Madhya Pradesh: Actress Tamannaah Bhatia attends 'Bhasma Aarti' and offers prayers at the Mahakaleshwar Temple in Ujjain. pic.twitter.com/8WFTmZbMTR

— ANI (@ANI) May 11, 2026

आगामी प्रोजेक्ट्स 
तमन्ना भाटिया सध्या अनेक मोठ्या प्रोजेक्ट्समध्ये व्यस्त आहे. लवकरच ती ओडिला २ (Odela 2) या चित्रपटात ती एका शिवभक्ताची (अघोरी) भूमिका साकारत असल्याने तिची महाकाल भेट विशेष मानली जात आहे. तसेच ती प्रसिद्ध चित्रपट निर्माते व्ही. शांताराम यांच्या जीवनावर आधारित प्रोजेक्टमध्येही पाहायला मिळणार आहे.

#WATCH | Ujjain, Madhya Pradesh: Actress Tamannaah Bhatia says, "...One can only visit this place when the divine summons arrives. Today, having received the opportunity to witness the 'Bhasma Aarti', it was truly profound to experience such a collective surge of spiritual energy… https://t.co/gQaiJUijztpic.twitter.com/sHDyX2uKvW

— ANI (@ANI) May 12, 2026