पुलकित सम्राटनं या मालिकेतून अभिनय क्षेत्रात केलं पदार्पण, बॉलिवूडमध्ये ११ वर्षे पूर्ण

Pulkit Samrat : पुलकित सम्राटने त्याच्या कारकीर्दीची सुरुवात छोट्या पडद्यावरुन केली.

मनोरंजन पदार्पण केल्यापासून पुलकित सम्राट(Pulkit Samrat)च्या करिअरचा आलेख खूप जास्त आशादायक ठरला आहे. या अभिनेत्याने २००६ मध्ये क्यूंकी सास भी कभी बहू थी या प्रसिद्ध टेलिव्हिजन मालिकेद्वारे एण्टरटेनमेंट इंडस्ट्रीत पदार्पण केले. त्यानंतर २०१२ मध्ये बिट्टू बॉस सोबत या अभिनेत्याने रुपेरी पडद्यावर प्रवेश केला. तेव्हापासून अभिनेत्याने आपली काम पुढे चालू ठेवली. बॉलिवूड मधली ११ वर्षे पूर्ण होत असताना या खास प्रसंगी, तो नॉस्टॅल्जिक होतो आणि सर्व अनुभवांसाठी तो खूप कृतज्ञ असल्याचं सांगतो. 

पुलकित म्हणतो, जेव्हा मी इंडस्ट्रीत पाऊल ठेवले तेव्हा मला माहीत होते की मी किती प्रगती केली आहे हे पाहण्यासाठी मी मागे वळून पाहीन. ही ११ वर्षे आव्हानात्मक, परिपूर्ण आणि अनेक शिक्षण अनुभवांनी भरलेली आहेत. या अनुभवांनी मला अनेक गोष्टी शिकवल्या आहेत. मला एक व्यक्ती आणि एक कलाकार म्हणून मी बदललो आहे. मी ज्या प्रकल्पाचा भाग होतो त्या प्रत्येक प्रकल्पासाठी फक्त कृतज्ञ आहे. एक कलाकार म्हणून मला आव्हान देणारे आणि मला विकसित करण्यात मदत करणारे प्रकल्प मिळवण्यासाठी मी उत्सुक आहे. अभिनेता म्हणून मला हेच आवडते. अधिक गोष्टींसाठी नेहमीच तयार आहे. 

पुलकितने विनोदी ते अ‍ॅक्शनपर्यंत विविध शैलींमध्ये अनेक प्रोजेक्ट केले. फुकरेच्या चित्रपट सिरीज ने नेटिझन्समध्ये प्रचंड हिट ठरली आहे आणि त्यानंतर ३ स्टोरीज आणि तैश या त्याच्या पात्रासाठी समीक्षकांनी प्रशंसा केली आहे. प्रत्येक प्रोजेक्टमध्ये आपल्याला अभिनेत्याला वेगळ्या अवतारात आणि नवीन काहीतरी करताना पाहायला मिळतं. त्याच्या आगामी प्रकल्पांसाठी, पुलकितकडे फुकरे चित्रपटाचा तिसरा भाग आहे. आणखी प्रकल्पांची चर्चा सुरू असून त्याबाबतचा तपशील लवकरच समोर येईल !