लेकीसाठी ऐश्वर्या बनली फोटोग्राफर! सहलीहून परतलेल्या आराध्याची धावत जाऊन घेतली गळाभेट

आई ती आईच शेवटी, मग ती विश्वसुंदरी का असेना! सहलीहून परतलेल्या लेकीसाठी ऐश्वर्याने केलं असं काही की...

Aishwarya Rai Aradhya Bachchan : बॉलिवूडची 'जागतिक सुंदरी' ऐश्वर्या राय बच्चन आणि तिची लाडकी लेक आराध्या यांच्यातील बॉण्डिंग नेहमीच चाहत्यांचे लक्ष वेधून घेते. जागतिक स्तरावरील रेड कार्पेट असो किंवा कौटुंबिक कार्यक्रम, आराध्या कायम आपल्या आईच्या सोबत असते. नुकताच या माय-लेकीचा एक अतिशय गोड व्हिडीओ सोशल मीडियावर समोर आला आहे. 

सोशल मीडियावर व्हायरल झालेला हा व्हिडीओ मुंबईतील छत्रपती शिवाजी महाराज आंतरराष्ट्रीय विमानतळावरील आहे. आराध्या तिच्या शाळेच्या सहलीसाठी बाहेर गेली होती. ती सहलीवरुन परतल्यानंतर तिला घेण्यासाठी ऐश्वर्याने स्वत: विमानतळावर आली होती. आराध्या दिसताच ऐश्वर्याने पुढे जाऊन तिला घट्ट मिठी मारली. एवढी मोठी स्टार असूनही आराध्यासाठी ऐश्वर्या तिथे एका सामान्य आईच्या भूमिकेत दिसली. ती केवळ आराध्याची वाट पाहत नव्हती, तर आपल्या फोनमधून आराध्याचे आणि तिच्या मित्र-मैत्रिणींचे फोटोही काढताना दिसली. व्हिडrओच्या शेवटी या दोघीही एकमेकींचा हात हातात घेऊन विमानतळाबाहेर पडताना दिसल्या.

सुखी संसाराची १९ वर्षे
ऐश्वर्या राय आणि अभिषेक बच्चन यांच्या लग्नाला काल १९ वर्षे पूर्ण झाली आहेत. एप्रिल २००७ मध्ये हे दांपत्य विवाहबंधनात अडकले होते. लग्नाच्या वाढदिवसानिमित्त ऐश्वर्याने अभिषेक आणि आराध्यासोबतचा एक सुंदर फोटो शेअर करून चाहत्यांचे लक्ष वेधले होते.