पोलिसांनी पकडल्या दोन तलवारी

आॅपरेशन आॅलआऊट : शहर व आझादनगर पोलिसांची कारवाई

धुळे : शहरातील मिल परिसरातील सदिच्छा नगर आणि अमर नगर येथून पोलिसांनी दोन तलवारी जप्त केल्या आहे़ त्यांना पोलिसांनी अटक केली आहे़मिल पसिरातील सदिच्छा नगरात राहणाऱ्या नयन गोविंद पाटील (२०) या तरुणाच्या घरातून पोलिसांनी तलवार जप्त केली आहे़ त्याच्या विरोधात पोलीस कर्मचारी विशाल पाटील यांनी फिर्याद दिल्याने गुन्हा दाखल करण्यात आला़ सोमवारी पहाटे ४ वाजेच्या सुमारास आॅपरेशन आॅल आऊट अंतर्गत संशयित नयन पाटील याच्या घराची झडती घेण्यात आली़ एका खोलीत तलवार लपवून ठेवल्याचे पोलिसांना मिळून आली़तसेच आझादनगर पोलिसांनी सोमवारी दुपारी ३ वाजेच्या सुमारास अमरनगरात कारवाई करुन सनी संजय वाडेकर (२२) याच्याकडून तलवार जप्त केली़ याप्रकरणी सुनील पाथरवट यांनी दिलेल्या फिर्यादीवरुन गुन्हा दाखल करण्यात आला़ अवैध शस्त्र शोध मोहीम सुरु राहणार आहे़