माजी शिक्षक आमदार जे़ यू़ ठाकरे यांचे कोरोनामुळे निधन

नाशिकला सुरु होते उपचार : साक्री तालुक्यात हळहळ

धुळे : माजी शिक्षक आमदार जयवंतराव उत्तमराव अर्थात जे़ यू़ ठाकरे (७४) यांचे मंगळवारी सकाळी ११ वाजेच्या सुमारास नाशिक येथील खासगी रुग्णालयात कोरोनामुळे निधन झाले़ ठाकरे हे गेल्या महिन्याभरापासून आजारी होते़ प्रकृति सुधारत नसल्यामुळे त्यांना नाशिक येथील खासगी रुग्णालयात दाखल करण्यात आले होते़ त्यांना कोरोना झाला होता़ ठाकरे हे नाना या टोपण नावाने सुपरिचित होते़ नाशिक विभागीय शिक्षक आमदार म्हणून १९९६ ते २००२ पर्यंत विधान परिषदेचे सदस्य होते़ त्यांच्या निधनामुळे साक्री तालुक्यात हळहळ व्यक्त होत आहे़ त्यांना अजित आणि रणजित नावाची दोन मुले आहेत़ नाशिक येथेच त्यांच्या मृतदेहावर अंत्यसंस्कार केले जाणार आहेत़